समाचार प्रभाव : ५५ विद्यार्थीलाई न्यानो कपडा र कम्बल वितरण

पुष २६, २०७५ बिहीबार ८:३१:५५ | उज्यालो सहकर्मी

धादिङ – खानेकुराको अभावसँगै कपडा र जुत्ताबिनै खाली खुट्टा विद्यालय जान बाध्य दक्षिणी धादिङको बेनिघाट रोराङ गाउँपालिका २ को बागेश्वरी आधारभुत विद्यालयका ५५ बालबालिकालाई न्यानो कपडा वितरण गरिएको छ ।

खाजाको लागि भोकै विद्यालय, विद्यालयको हालत पनि उस्तै शीर्षकमा पुस ३ गते उज्यालो अनलाइनमा समाचार प्रकाशन भएपछि चेपाङ बालबालिकालाई सहयोग उपलब्ध गराइएको हो ।

उनीहरुलाई स्वीटर, ट्रयाकसुट सेट, टोपी, पञ्जा, जुत्ता मोजा, कापीसहित स्टेशनरी सामग्री र कम्बल वितरण गरिएको विद्यालयका प्रधानाध्यापक बुद्धिमायाँ तामाङले बताउनुभयो ।

गाउँपालिका अध्यक्ष पित्तबहादुर डल्लाकोटीको प्रमुख आतिथ्यमा सम्पन्न सामाग्री हस्तान्तरण कार्यक्रममा वडाध्यक्ष टंक थापा र कपडा र स्टेसनरी उपलब्ध गराउने दाताहरु सहभागी भएका थिए ।

विद्यालयको अवस्था सुधार नभएको, गाउँबासी भोकमरीमा परेका कारण भोकभोकै विद्याथी विद्यालय जाने जस्ता कुरा उल्लेख गरि समाचार प्रकाशन भएपछि यही आधारमा व्यक्तिगत रुपमा सहयोग संकलन गरि उनीहरुलाई सहयोग उपलब्ध गराइएको सहयोग संकलन अभियानका अगुवा शिक्षाविद् डा. सदानन्द कँडेलले बताउनुभयो ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्