फाल्गुनन्द गोल्डकप: सरस्वती क्लबलाई एक-शून्यले पराजित गर्दै झापा–११ फाइनलमा

पुष २७, २०७५ शुक्रबार १९:२०:४५ | उपेन्द्र येक्तेन

पाँचथर – झापा–११ पाँचथरको फिदिममा जारी १० फाल्गुनन्द गोल्डकप फुटबल प्रतियोगिताको फाइनल चरणमा प्रवेश गरेको छ ।

स्थानीय फिदिम माविको खेल मैदानमा शुक्रबार सम्पन्न पहिलो सेमिफाइनल खेलमा झापाले सरस्वती क्लब काठमाण्डौविरुद्ध १–० को कठिन जित दर्ता गर्दै फाइनलमा स्थान पक्का गरेको हो ।

खेलको ५३ औं मिनेटमा डिफेन्डर देवेन्द्र तामाङको लामो फ्रिकिकिलाई क्याप्टेन कर्ण लिम्बूले हेडमार्फत गोल गरेका हुन् ।

पहिलो हाफमा स्वरस्वतीको दबाब सामना गर्नुपरेको झापाले दोस्रो हाफमा खेलमा सुधार गर्दै गोल गरेको हो । खेलको म्यान अफ द म्याच झापाका दिलन लोक्तान घोषित हुँदै १० हजार रुपैयाँ प्राप्त गरे ।

प्रतियोगिताको अन्तिम सेमिफाइनल खेलमा शनिबार त्रिभुवन आर्मी क्लब र रोयल एफ्सी दार्जिलिङ प्रतिस्पर्धा हुनेछ ।

पुष ३० गतेसम्म सञ्चालन हुने प्रतियोगिताको विजेता टिमले आकर्षक ट्रफीसहित नगद ४ लाख रुपैयाँ प्राप्त गर्नेछ भने दोस्रो हुने टिमले २ लाख पाउनेछ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्