उत्तरपुस्तिका परीक्षण तथा परीक्षा सञ्चालनमा सघाउन शिक्षकहरुलाई बोर्डको आग्रह

चैत ३०, २०८१ शनिबार ८:५६:५० | उज्यालो सहकर्मी

काठमाण्डौ – राष्ट्रिय परीक्षा बोर्डले उत्तरपुस्तिका परीक्षण तथा परीक्षा सञ्चालनको काममा सघाउन आन्दोलनरत शिक्षकहरूलाई आग्रह गरेको छ ।

एसईईको उत्तरपुस्तिका जाँच नगर्दा परीक्षा दिएर बसेका विद्यार्थीको नतिजा प्राप्तिपछि पाउने अवसरमा प्रत्यक्ष असर पर्ने भएकाले उत्तरपुस्तिका परीक्षणमा सघाउन बोर्डले आग्रह गरेको हो ।

चैत २० गतेदेखि काठमाण्डौ केन्द्रित आन्दोलन गर्दै आएका शिक्षकहरुले माग पूरा नभएमा एसईईको उत्तरपुस्तिका परीक्षण नगर्ने बताएका छन् ।

बोर्डले उत्तरपुस्तिका परीक्षणसँगै परीक्षा सञ्चालन व्यवस्थापनमा पनि शिक्षकहरूकै भूमिका महत्त्वपूर्ण हुने स्मरण गराएको छ ।

शिक्षकहरूको पेशागत बढोत्तरी, पेसागत सुरक्षा तथा विद्यार्थीका आवश्यकता र अवसर दुवै प्राथमिक र संवेदनशील पक्ष भएको भन्दै बोर्डले आफ्ना माग तथा अपिलसँगै विद्यार्थीको भविष्यलाई समेत दृष्टिगत गरी आफ्नो जिम्मेवारी बहन गर्न आग्रह गरेको छ । तर शिक्षकहरुले माग पूरा नभएसम्म आन्दोलन कायमै रहने अडान लिएका छन् । उनीहरुले विगतको सहमति कार्यान्वयनसँगै शिक्षा ऐन जारी हुनुपर्ने माग गरेका छन् ।

अन्तिम अपडेट: बैशाख ५, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्