लमजुङको मध्यनेपाल नगरपालिकामा आधुनिक रंगशाला बन्दै

पुष ३०, २०७५ सोमबार १४:७:३५ | श्यामशितल परियार

लमजुङ – लमजुङको मध्यनेपाल नगरपालिका–७, रामबजारमा आुधनिक रंगशाला निर्माण हुने भएको छ ।

खेलकुद क्षेत्रको विकासका लागि नगरमा आधुनिक रंगशाला निर्माण गर्न लागिएको मध्यनेपाल नगरपालिकाका मेयर रमेशकुमार पाण्डेले जानकारी दिनुभयो ।
उहाँका अनुसार नगरपालिकामा प्याराफिटसहितको रंगशाला निर्माण गर्न लागिएको हो । ‘इलाभेन ए साइडको आधुनिक रंगशाला निर्माण गर्दैछौँ । रंगशाला निर्माणमा झण्डै ८० लाख रुपैयाँ खर्च हुनसक्ने अनुमान गरिएको छ,’ उहाँले भन्नुभयो ।

मेयर पाण्डेले सोमबार रंगशाला निर्माणको शिलान्यास समेत गर्नुभएको छ । मंगलबारबाटै रंगशाला निर्माणको काम सुरु गरिने उहाँले बताउनुभएको छ । आगामी चैतसम्म रंगशाला निर्माण कार्य सक्ने लक्ष्य लिइएको पनि उहाँले बताउनुभएको छ ।

आधुनिक खेल मैदान नहुँदा मध्यनेपाल नगरपालिकामा नगरस्तरीय खेलकुद प्रतियोगिता सञ्चालन गर्न समस्या थियो । खेतका गह्रामा खेल खेल्नुपर्ने, खेल प्रतियोगिता सञ्चालन गर्नुपर्ने बाध्यता थियो । ‘आधुनिक रंगशाला निर्माण भएसँगै यो समस्या हल भएर जाने हाम्रो विश्वास छ,’ मेयर पाण्डेले थप्नुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्