पहिले र अहिलेको दुबई एयरपोर्ट

माघ १९, २०७५ शनिबार १३:९:३६ | एजेन्सी

दुबई विमानस्थल अहिले विश्वकै व्यस्त र उत्कृष्ट विमानस्थलमा ठहरिन्छ । अन्तर्राष्ट्रिय यात्रुको संख्याको आधारमा दुबई विमानस्थल लगातार पाँचौँपल्ट विश्वको व्यस्त विमानस्थल बनेको छ ।

दुबई विमानस्थलले जारी गरेको प्रेस विज्ञप्तिअनुसार सन् २०१८ मा दुबई विमानस्थल हुँदै अन्तर्राष्ट्रिय यात्रा गर्नेहरुको संख्या ८९ मिलियन रहेको छ । यो संख्या सन् २०१७ को भन्दा एक प्रतिशतले बढी हो । दुबई विमानस्थल हुँदै औसतमा प्रतिमहिना ७४ लाख यात्रुले अन्तर्राष्ट्रिय यात्रा गरेको विमानस्थल कार्यालयले जनाएको छ ।

गएको अगष्ट महिनामा यो विमानस्थलबाट ४ लाख यात्रुले यात्रा गरेका थिए । यो संख्या विमानस्थलको ५ वर्षे इतिहासमा नै सबैभन्दा बढी हो ।

डोमेस्टिक र अन्तर्राष्ट्रिय दुवै हिसाबले चाहिँ अमेरिकाको हार्ट्सफिल्ड ज्याक्सन एटलान्टा विमानस्थल विश्वकै सबैभन्दा बढी व्यस्त विमानस्थल हो ।

सन् १९६० मा निर्माण भएको दुबई विमानस्थलबाट सुरुमा केही हजारले मात्रै यात्रा गरेका थिए । ५८ वर्षअघि केबल एउटा मात्रै टर्मिनल भएको दुबई विमानस्थलको अहिले भने कायापलट भएको छ । अहिले दुबई विमानस्थलमा तीनवटा टर्मिनल रहेका छन् ।

दुबई विमानस्थलको यो सफलतामा इमिरेट्स एयरलाइन्सले पहिले र अहिलेको विमानस्थलको फोटो राख्दै ट्वीट गरेको छ । जसमा भनिएको छ, ‘सन् १९६० मा केही हजार यात्रुबाट सुरु भएको दुबई विमानस्थल अहिले संसारकै व्यस्त विमानस्थल बन्दै ९० मिलियन यात्रुहरुलाई स्वागत गरेको छ ।’

From a few thousand passengers in 1960, our hub Dubai International welcomed nearly 90 million passengers in 2018, retaining its title as the world's busiest international airport for the fifth consecutive year. #ThrowbackThursday pic.twitter.com/zFNYwQ7H4g
— Emirates Airline (@emirates) 31 January 2019

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्