यूटिएलसँगको सम्झौता रद्द, गण्डकी र पाँच नम्बर प्रदेशमा टेलिकमले नै अप्टिकल फाइबर बिच्छाउने

फागुन ९, २०७५ बिहीबार १५:७:२९ | उज्यालो सहकर्मी

काठमाण्डाै - गण्डकी प्रदेश र पाँच नम्बर प्रदेशका जिल्लामा अप्टिकल फाइबर बिच्छाउनको लागि यूटिएल कम्पनीसँग भएको सम्झौता रद्द भएको छ ।

मन्त्रिपरिषद्को बैठकले समयमा काम नगरेको भन्दै यूटिएलसँग भएको सम्झौता रद्द गरेर गण्डकी र प्रदेश पाँचमा अप्टिकल फाइबर बिच्छाउने जिम्मा नेपाल टेलिकमलाई दिएको सञ्चार तथा सूचना प्रविधिमन्त्री गोकुल बाँस्कोटाले जानकारी दिनुभयो ।

बैशाख १५ गतेसम्म काम नै सक्नुपर्ने भए पनि अहिलेसम्म यूटिएलले काम सुरु नगरेकोले सम्झौता तोडिएको मन्त्री बाँस्कोटाले बताउनुभयो ।

गण्डकी र ५ नम्बर प्रदेशमा अप्टिकल फाइबर पुर्‍याउन २०७४ वैशाखमा दुरसञ्चार प्राधिकरण र युनाइटेड टेलिकम यूटिएलबीच दुई अर्ब एक करोड रुपैयाँमा सम्झौता भएको थियो । तर काम नै सुरु नगरेपछि सम्झौता रद्द भएको हो ।

टेलिकमले ४ अर्ब ८८ करोड रुपैयाँमा प्रदेश नम्बर १, २ र ३ को पाँचथरको चिरूभञ्ज्याङदेखि गोरखाको आरूघाटसम्म अप्टिकल फाइबर बिछ्याउन काम सुरु गरिसकेको छ ।

त्यसैगरी ६ र ७ नं प्रदेशमा अप्टिकल फाइबर बिच्छाउन स्मार्ट टेलिकमले ३ अर्ब ९४ लाख रुपैयाँमा जिम्मा पाएको छ । उसको काम पनि सुस्त रहेको नेपाल दुरसञ्चार प्राधिकरणले जनाएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्