भारतीय सेनाले गर्‍याे पाकिस्तानी भूमिमा आक्रमण, खसाल्यो १००० किलो विस्फोटक पदार्थ

 फागुन १४, २०७५ मंगलबार ९:४८:३ | एजेन्सी
unn.prixa.net

भारतीय वायु सेनाले पाकिस्तानी भूमिमा हमला गरेको पाकिस्तानले दाबी गरेको छ । मंगलबार बिहान भारतीय लडाकू जेट विमानहरुले दुई देशको सीमा लाइन अफ कण्ट्रोल एलओसीमा हमला गरेको पाकिस्तानी सेनाका प्रवक्ता मेजर जनरल आशिफ गफुरले पुष्टि गरेका छन् । उनले ट्वीटरमा विष्फोटपछिका केही तस्बिर पनि पोष्ट गरेका छन् । 

भारतीय वायु सेनाका विमानले दुई देशको सीमा क्षेत्र पार गरेर पाकिस्तानतर्फ घुसपैठ गरेको र पाकिस्तानी वायू सेनाले त्यसको जवाफ दिएको प्रवक्ता गफुरले बताएका छन् । घटनामा कुनै हताहती भने नभएको उनको भनाइ छ । 

भारतीय सञ्चारमाध्यमले भारतीय वायु सेनाका श्रोतहरुको हवाला दिँदै पाकिस्तानसँगको सीमा क्षेत्र बालाकोट नजिकै रहेको जैस–ए– मोहम्मदको क्याम्पमा भारतको १२ मिराज २००० जेट विमानले १ हजार किलोको बम खसालेको दाबी गर्दै खबर सम्प्रेषण गरेका छन् । 

भारतको विपक्षी दल काँग्रेस आईका अध्यक्ष राहुल गान्धीले बम खसालेकोमा भारतीय वायू सेनाका पाइलटलाई सलाम गर्न चाहेको ट्वीट गरेका छन् । 

भारतीय वायुसेनाले भने यसबारेमा पुष्टि गरेको छैन । 

१४ फेब्रुअरीमा भारतको जम्मू–कश्मीर राज्यको पुलावामा भएको ठूलो आतंकवादी आक्रमणमा परी केन्द्रीय रिजर्भ प्रहरी बल(सीआरपीएफ) का ४० जनाभन्दा बढी जवानको ज्यान गएको थियो ।

अन्तिम अपडेट: जेठ ११, २०८१

उज्यालोका खबर फेसबुक, इन्स्टाग्राम, एक्स ट्वीटरयूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया