सिन्दुर हाल्ने बेलामा बेहुली भागेपछि...

फागुन २०, २०७५ सोमबार १३:५९:५३ | शैलेन्द्र महतो

धनुषा – विवाहको मूल विधि हुनेबेला नै बेहुली आँखा छलेर फरार भएपछि बेहुला र जन्ती अन्योलमा परेका छन् ।

धनुषाको शहीदनगर नगरपालिका–३, यदुकोहा महराटोलकी दलित समुदायकी राम थरकी २० वर्षकी युवतीको आइतबार राति विवाह थियो । विवाहअघि हुने स्वयम्बर धुमधामसँग सम्पन्न भएको केही समयपछि बेहुली फरार हुँदा धनुषाको सबैलाबाट आएको बेहुलासहितको जन्ती बिचल्लीमा परेका छन् ।

इलाका प्रहरी कार्यालय यदुकोहाका अनुसार राति १ बजे बेहुला र बेहुलीको स्वयम्बर सकिएपछि त्यहीँका केही व्यक्तिले बेहुली भगाएका छन् । बेहुलीको पहिलादेखि नै प्रेम परेको कारण पहिलाकै प्रेमीसँग भागेको स्थानीय बासिन्दाको आशंका छ ।

मैथिली परम्परा अनुसार स्वयम्बरपछि विवाहको मूलविधि सिन्दुरदान र कन्यादान हुने गर्दछ । बेहुला बेहुलीको स्वयम्बर सकिएर सिन्दुरदान र कन्यादानको तयारी भएको बेला बेहुली भागेकी हुन् । विवाहको मूल विधि हुने बेला बेहुली भागेपछि गाउँमा खैलाबैला मच्चिएको छ भने विवाहको लागि आएका बेहुला र जन्ती निराश भएका छन् ।

फरार बेहुली र उनलाई भगाउन सघाउनेहरुको खोजबिन जारी रहेको प्रहरी निरीक्षक भीम खड्काले जानकारी दिनुभयो । बेहुली भागेको विषयमा दुवै पक्षमा छलफल भइरहेको जनाएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्