नाम र केन्द्र परिवर्तन गराउनेमा गाउँपालिका बढी

फागुन २१, २०७५ मंगलबार ७:२०:८ | रासस

काठमाण्डाै – स्थानीय तहको नाम र केन्द्र परिवर्तन गराउने सबैभन्दा बढी गाउँपालिका रहेका छन् । अहिलेसम्म ९८ स्थानीय तहका नाम र केन्द्र परिवर्तन गर्नेमा ९० गाउँपालिका छन् ।

स्थानीय सरकार सञ्चालन ऐन २०७४ अनुसार गाउँसभा र नगरसभाबाट सिफारिस तथा प्रदेश सभाबाट अनुमोदित ४२ जिल्लाका ९८ गाउँपालिका र नगरपालिकाका नाम तथा केन्द्र परिवर्तन भएका सङ्घीय मामिला तथा सामान्य प्रशासन मन्त्रालयका शाखा अधिकृत दुर्गा दाहालले जानकारी गराउनुभयो ।

कूल ७५३ स्थानीय तहमा ६ महानगरपालिका, ११ उपमहानगरपालिका, २७६ नगरपालिका र ४६० गाउँपालिका छन् । उहाँका अनुसार नाममात्र परिवर्तन भएकामध्ये १७, नाम र केन्द्र परिवर्तन भएका ६० र केन्द्र मात्र परिवर्तन भएका २१ स्थानीय तह छन् ।

ऐनअनुसार स्थानीय तहले प्रदेश तहलाई केन्द्र परिवर्तनका लागि निवेदन दिने सक्ने र उक्त सिफारिससहित पत्र प्रदेश सरकारले सङ्घीय मामिला तथा सामान्य प्रशासन मन्त्रालयमा नाम, केन्द परिवर्तन गर्नका लागि अनुरोध गर्न सकिने छ । मन्त्रालयले पठाएको नाम र केन्द्र परिवर्तन गर्ने सिफारिसलाई मन्त्रिपरिषद् बैठकले निर्णय गर्ने व्यवस्था छ ।

नाम र केन्द्र परिवर्तन गर्ने जिल्ला

नाम र केन्द्र परिवर्तन गर्ने जिल्लामा ताप्लेजुङ दुई, पाँचथर एक, इलाम दुई, झापा एक, सुनसरी तीन, पर्सा तीन, सिन्धुली एक, रामेछाप एक, सिन्धुपाञ्चोक एक, काभ्रे दुई, रसुवा एक, नुवाकोट दुई, रुकुमपश्चिम एक, रुकुम पूर्व एक, दाङ एक, बाँके दुई, सल्यान तीन, दैलेख एक रहेका छन् ।

यस्तै धनकुटा तीन, भोजपुर एक, सोलुखम्बु दुई, खोटाङ पाँच, उदयपुर एक, सप्तरी एक, धनुषा एक, धादिङ दुई, मकनापुर चार, चितवन एक, गोरखा तीन, लमजुङ एक, तनहुँ एक, स्याङजा एक, कास्की दुई, मनाङ तीन, मुस्ताङ दुई, म्याग्दीका दुई स्थानीय तहले नाम र केन्द्र परिवर्तन गरेका छन् ।

यसैगरी पर्वत दुई, पूर्वनवलपरासी एक, गुल्मी दुई, कपिलवस्तु एक, अर्घाखाची एक, रोल्पा तीन, जाजरकोट तीन, डोल्पा दुई, कालिकोट एक, हुम्ला एक, बाजुरा पाँच, बझाङ एक, डोटी दुई, डडेल्धुरा एक, बैतडी एक र दार्चुलाका दुई स्थानीय तहले नाम र केन्द्र परिवर्तन गरेका छन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्