गुजरातमा PUBG खेल्ने १० जना पक्राउ !

फागुन ३०, २०७५ बिहीबार १३:४०:५० | एजेन्सी

भारतको गुजरात राज्यको राजकोट प्रहरीले अनलाइन खेल PUBG खेल्न प्रतिबन्ध लगाएको छ । प्रतिबन्धका बाबजुद यो खेल खेल्ने १० जनालाई प्रहरीले पक्राउ गरेको छ ।

गएको मार्च ६ तारिखमा प्रहरी आयुक्तले एक सूचना सार्वजनिक गरी PUBG माथि प्रतिबन्ध लगाएको जानकारी दिएका थिए । PUBG तथा मोमो च्यालेन्ज खेलका कारण युवाहरु हिंसक भएको, पढाइमा असर परेको तथा आचरण र भाषामा परिवर्तन आएको बताउँदै राजकोट प्रहरीले यी खेलमाथि प्रतिबन्ध लगाएको स्पष्टिकरण दिएको थियो ।

द इन्डियन एक्सप्रेसका अनुसार राजकोट प्रहरीले अलग–अलग तीन ठाउँबाट एग्द्यन् खेल्ने १० जनालाई पक्राउ गरेको हो ।

राजकोट स्पेसल अपरेशन्स ग्रुपका प्रहरी निरीक्षक रोहित रावलका अनुसार तीन जनालाई प्रहरी हेडक्वार्टरको नजिकैबाट गिरफ्तार गरिएको थियो । उनीहरुविरुद्ध मुद्दा चलाइएको र मोबाइल पनि जफत गरिएको छ ।

त्यस्तै ६ जना कलेजका विद्यार्थी पक्राउ परेको प्रहरीले जानकारी दिएको छ । चिया पसल तथा फास्ट फूड सेन्टरमा बसेर PUBG खेलिरहेको अवस्थामा उनीहरुलाई पक्राउ गरिएको थियो । अर्का एक जना भने विश्वविद्यालयका विद्यार्थी रहेको प्रहरीले जानकारी दिएको छ ।

पछिल्लो समय PUBG खेलका कारण युवा पुस्तामा मानसिक असर परिरहेको मनोचिकित्सकहरु पनि बताउँछन् । भारतको गुजरातमा भने यो मुद्दा अदालतसम्म पुगिसकेको छ । हेरौँ, प्रहरीले लगाएको प्रतिबन्धलाई अदालतले के गर्छ ?

याे पनि पढ्नुहाेस्

‘PUBG’ माथि प्रतिबन्ध लगाउन माग गर्दै ११ वर्षीय बालकले गरे अदालतमा मुद्दा दर्ता

PUBG खेलकाे लत : मानसिक समस्याको खतरा !

मानसिक स्वास्थ्यका लागि घातक बन्दै PUBG

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्