न्याय माग्दै श्रीमती पीडित प्रहरीमा

असार १३, २०७५ बुधबार १५:२९:२२ | सन्तोष थापा

पर्वत – जिल्ला प्रहरी कार्यालय पर्वतमा रहेको महिला तथा बालबालिका सेवा केन्द्र (महिला सेल) मा २ जना पुरुषले श्रीमतीबाट पीडित भएको भन्दै न्यायका लागि उजुरी दिएका छन् ।

प्रहरीमा महिला तथा बालबालिका सम्बन्धित घटनाहरु हेर्ने गरी खडा गरिएको केन्द्रमा जलजला गाउँपालिका–२, धाइरिङका रेशम परियार र कुश्मा नगरपालिका–१, पाङका प्रकाश चँदराले श्रीमतीबाट पीडित भएको भन्दै उजुरी दिएका हुन् ।

उनीहरु दुवै जनाले श्रीमतीले छोराछोरी पालन पोषणमा ध्यान नदिएको र घरभन्दा बाहिर बढी समय दिने गरेको भन्दै न्यायका लागि उजुरी दिएको प्रहरीले जनाएको छ ।

उजुरी उपर जिल्ला प्रहरी कार्यालय पर्वतले चँदराका श्रीमान् श्रीमती दुवै जनालाई कार्यालयमा बोलाएर मिलापत्र गराएको छ भने परियारको मुद्धा अझै कानुनी प्रक्रियामा रहेको छ ।

यस्तै सेवा केन्द्रमा आर्थिक वर्ष २०७४।७५ मा जेठ महिनासम्म ५९ वटा घरेलु हिंसा सम्बन्धी उजुरी दर्ता भएका छन् । त्यो उजुरीमध्ये प्रहरीले आफै ४१ वटा उजुरी मिलापत्र गराएको छ भने ७ वटा उजुरीमा मिलापत्र गराउन नसकेपछि अदालतमा पठाएको छ ।

त्यस्तै ८ वटा उजुरी कानुनी प्रक्रियामा रहेका छन् भने ३ वटा उजुरी दिएका व्यक्तिहरु सम्पर्कमा नआएको महिला तथा बालबालिका सेवा केन्द्र इञ्चार्ज रचना थापाले जानकारी दिनुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्तोष थापा

पर्वतका उज्यालो सहकर्मी सन्तोष थापा त्यहाँको स्थानीय पत्रिकामा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्