विप्लव समूहबाट नाम हटाइदिने अनुराेध गर्दै प्रहरी कार्यालयमा निवेदन

वैशाख १३, २०७६ शुक्रबार २०:३३:८ | डीबी बिष्ट

बझाङ - नेत्र विक्रम चन्द नेतृत्वकाे नेकपा विप्लव समूहमा आबद्ध भएका केही व्यक्तिहरु आफ्नो नाम हटाइमाग्न जिल्ला प्रहरी कार्यालय पुग्ने गरेका छन् ।

शुक्रबार मात्रै केदार स्यँ गाँउपालिका वडा नम्बर-१ रायलका १९ वर्षीय सन्दीप मल्लले आफू विप्लव समूहमा आबद्ध नभएको भन्दै नाम हटाउन निवेदन दिएको जिल्ला प्रहरी कार्यालयका सुचना अधिकारी प्रहरी निरीक्षक नैन बहादुर साउदले जानकारी दिनुभयो ।

यस्तै दुर्गाथली गाँउपालिका वडा नम्बर ७ बस्ने २८ वर्षीय सन्तोष दौल्यालले पनि आफू नेकपा विप्लव समूहमा नरहेको र आगामी दिनमा समेत नरहने प्रतिबद्धता पत्रसहित जिल्ला प्रहरी कार्यालयमा निवेदन पेश गरेका छन् ।

शुक्रबार उनीहरुले जिल्ला प्रहरी कार्यालयमा निवेदन पेश गरेपछि उनीहरुको नाम अभिलेखबाट हटाइएको प्रहरी निरीक्षक साउदले जानकारी दिनुभयो । अहिलेसम्म जिल्ला प्रहरी कार्यालयमा नै पुगेर तीन जनाले विप्लव समूहबाट आफ्नो नाम हटाई माग्न निवेदन दिएको साउदले बताउनुभयो ।

जिल्ला प्रहरी कार्यालय बझाङले जिल्लामा रहेका विप्लव समूहमा आबद्ध हुनेहरुमाथि निगरानी बढाएको छ । जिल्लाको शान्ति सुरक्षा मजबुत बनाउनका लागि व्यापकरुपमा प्रहरी परिचालन गरिएको डीएसपी सूर्य बहादुर केसीले बताउनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्