मकालु बेसक्याम्पमा यतीकाे पाइला भेटिएकाे भारतीय सेनाकाे दाबी

वैशाख १७, २०७६ मंगलबार १९:५३:२५ | एजेन्सी

काठमाण्डाै – भारतीय सेनाले नेपालकाे मकालु हिमालमा यतीको पाइला भेटिएको भन्दै आफ्नो अफिसियल ट्विटर पेजमा फाेटाे र स्टाटस शेयर गरेकाे छ । पौराणिक ग्रन्थमा व्याख्या गरिएको भनिएको यतीको रहस्यमयी छाप भेटिएको भन्दै भारतीय सेनाले ट्वीट गरेकाे छ ।

For the first time, an #IndianArmy Moutaineering Expedition Team has sited Mysterious Footprints of mythical beast 'Yeti' measuring 32x15 inches close to Makalu Base Camp on 09 April 2019. This elusive snowman has only been sighted at Makalu-Barun National Park in the past. pic.twitter.com/AMD4MYIgV7
— ADG PI - INDIAN ARMY (@adgpi) April 29, 2019

दक्षीण एसियाली लोकथामा हिम मानव अर्थात यतीको चर्चा गरिएको पाइन्छ । तर अहिले यती छ भन्ने कुनै प्रमाण नभए पनि पौराणिक ग्रन्थहरुमा अझै पनि हिमालयहरुमा यती पाइने कुरा बताइएको छ ।

अहिले भारतीय सेनाले नेपालकाे मकालु हिमालकाे बेसक्याम्पमा यतीको पाइला भेटिएको भन्दै सामाजिक सञ्जालमा फोटोहरु शेयर गरिरहेको छ । यतीका पाइला भनिएका फोटोहरु अप्रिल ९ मा खिचिएकाे थियो । तर भारतीय सेनाले यतीको बारेमा विस्तृत अध्ययन गरेपछि यतीकाे भएकाे भन्दै फोटोहरु शेयर गरेको बताएको छ ।

सामाजिक सञ्जालमा सेनाकाे यस ट्वीटलाई व्यङ्ग्य गर्नेहरु पनि कम छैनन् । कतीपयले यसलाई झुटाे भएकाे बताएका छन् ।

And I spotted Bigfoot's footprints in Singapore last Sunday. What a coincidence! pic.twitter.com/eMzC0rrOuh
— Kanishk Samota (@KanishkSamota) April 29, 2019

यस्ताे टिप्पणी बढ्न थालेपछि आफूहरुले यती विज्ञहरुसँग सल्लाह गरेपछि मात्र यतीकै पाइला हो भन्ने पुष्टि गरेको भारतीय सेनाले बताएको छ ।

He entered in city for voting pic.twitter.com/8QQRr5NBIR
— Asif Karjikar (@asif_karjikar) April 29, 2019

उच्च हिमाली भेगमा यती पाइने कुरा विभिन्न कथाहरुमा वर्णन गरिँदै आएको छ । सन् २०१३ मा बेलायती वैज्ञानिकहरुको एक अनुसन्धानले लोकथाहरुमा वर्णन गरिएका यतीहरु त्योबेला अस्तित्वमा रहेको तर पछि खैरो भालुमा परिणत भएको भन्ने खुलाएको थियो ।

तर ट्विटर प्रयोगकर्ताहरुले भने भारतीय सेनाले यतीको पाइला भएको भन्नेबारे गलत दाबी गरेको बताएका छन् । विगत केही वर्षयता यतीको अस्तित्वबारे थुप्रै अनुसन्धानहरु भइरहेका छन् । सन् २०११ मा नेपालबाट लण्डन पुर्‍याइको पचास वर्ष पुरानो औँलाको डीएनए परीक्षण भएको थियो ।

डीएनए परिक्षणले त्यो औँला मानिसको हड्डी भएको पुष्टि थियो । यस्तै सन् २०१३ मा अक्सफोर्ड विश्वविद्यालयका जेनेटिक प्रोफेसर ब्रायन साइक्सले एउटा कपालमाथि डीएन परीक्षण गरेका थिए । उनले त्यो कपाल हजारौँ वर्ष पुरानो ध्रुवीय भालुसँग मेल खाएको बताएका थिए ।

उनले त्यो पौराणिक प्राणी अर्थात यती ध्रुवीय भालुको नश्ल हुन सक्ने बताएका थिए ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्