डोटीको केदारअखडा प्राथमिक स्वास्थ्य चौकी एक वर्षदेखि डाक्टरविहीन

जेठ १४, २०७६ मंगलबार १४:२४:१८ | विमल बिष्ट

डोटी - डोटी जिल्लाको दक्षिण क्षेत्रमा पर्ने बोगटान फुड्सिल गाउँपालिकामा रहेको केदारअखडा प्राथमिक स्वाथ्य केन्द्रमा डाक्टर नआएको एक वर्ष बितिसकेको छ ।

यस प्राथमिक स्वास्थ्य केन्द्रमा डाक्टरको दरबन्दी भएपनि एक वर्षदेखि डाक्टर नआउँदा स्थानीयहरु स्वास्थ्य सेवा पाउनबाट वञ्चित भएका छन् । स्वास्थ्य केन्द्रमा एमबीबीएस डाक्टरको दरबन्दी रहेको छ । डाक्टर नहुँदा त्यहाँका स्थानीयले सामान्यदेखि जटिल प्रकारका राेगको उपचारका लागि घण्टाैँ लगाएर दिपायल, सिलगढी तथा जिल्ला बाहिर जानुपर्ने अवस्था आएको स्थानीय बमबहादुर बमले बताउनुभयो ।

उहाँले भन्नुभयो, ‘स्वास्थ्य केन्द्रमा डाक्टरको दरबन्दी छ तर उपचार गराउन हामीले जिल्ला बाहिर जानुपर्ने अवस्था छ, हाम्रा दुःख कस्ले बुझिदिने ?’

स्वास्थ्य केन्द्रमा एकजना डाक्टरसहित अन्य १२ जना कर्मचारीको दरबन्दी रहेकोमा हाल १० जना मात्रै कर्मचारीहरु कार्यरत रहेका छन् । डाक्टर नभएपछि अन्य कर्मचारी पनि कार्यालयमा नियमित नआउने गरेकाे स्थानीयको आरोप छ ।

भौगोलिक विकटताका कारण प्राथमिक स्वास्थ्य चौकीमा डाक्टर आउन नमानेपछि समस्या हुँदै आएको बोगटान फुड्सिल गाँउपालिकाका अध्यक्ष कमल गड्सिलाले बताउनुभयो । उहाँले भन्नुभयो, ‘भौगोलिक विकटताले डाक्टर आउन मानेका छैनन्, हामी डाक्टर ल्याउने प्रयासमा छौँ,चाँडै ल्याउने छौँ ।’

यस स्वास्थ्य संस्थामा डाक्टर ल्याउनका गाउँपालिकाले प्रदेश सरकारसँग समन्वय गरिरहेको गाउँपालिकाका प्रमुख प्रशासकीय अधिकृत शंकर सुचिकारले बताउनुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्