चितवन दुधमा आत्मनिर्भर

जेठ ३०, २०७६ बिहीबार १०:४७:११ | राधेश्याम खतिवडा

चितवन – चितवन जिल्ला दुधमा आत्मनिर्भर भएको छ । बुधबार एक कार्यक्रमको आयोजना गरी जिल्लालाई औपचारिक रुपमा दूधमा आत्मनिर्भर बनेको घोषणा गरिएको छ । चितवनमा वार्षिक प्रतिव्यक्ति आवश्यकता भन्दा दुध उत्पादन बढी देखिएकाले जिल्लालाई दुधमा आत्मनिर्भर भएको घोषणा गरिएको हो ।

दुधमा आत्मनिर्भर हुने चितवन दोश्रो जिल्ला बनेको छ । यसअघि काभ्रे दुधमा जिल्ला आत्मनिर्भर जिल्ला घोषणा गरिएको थियो । जिल्लाको भेटेरिनरी अस्पताल तथा पशु सेवा विज्ञ केन्द्र र चितवन दुग्ध उत्पादक सहकारी संस्थाले तीन महिना लगाएर गरेको अध्ययनले चितवनलाई पूर्णरूपमा आत्मनिर्भर भएको देखाएको हो ।

रत्ननगरमा आयोजना गरिएको कार्यक्रममा प्रदेश नम्वर ३ का भूमी व्यवस्था, कृषि तथा सहकारी मन्त्री दावा दोर्जे लामाले चितवनलाई दुधमा आत्मनिर्भर जिल्ला घोषणा गर्नुभएको हो । जिल्लामा वार्षिक दूध उत्पादन परिणामलाई आधार मान्दा वार्षिक प्रति व्यक्ति दूधको आवश्यकता भन्दा बढी हुन आएकोले चितवन जिल्लालाई विधिवत रुपमा दुध उत्पादनमा आत्मनिर्भर जिल्ला घोषणा गरिएको उहाँले बताउनुभयो ।

विश्व खाद्य सङ्गठनले एक व्यक्तिले स्वस्थ रहन एक दिनमा २५० मिलिलिटर दूध प्रयोग गर्नुपर्ने जनाएको छ । जसअनुसार एक व्यक्तिले एक वर्षमा ९१ लिटर दुध प्रयोग गर्नुपर्छ । यसलाई आधारमान्दा चितवनमा रहेको ६ लाख २५ हजार जनसंख्यालाई दैनिक १ लाख ५६ हजार लिटर दुध आवश्यक पर्छ । चितवनमा दैनिक दुई लाख ९० हजार लिटर दुध उत्पादन हुँदै आएकोले जिल्ला दुधमा आत्मनिर्भर रहेको जिल्लाको भेटेरिनरी अस्पताल तथा पशु सेवा विज्ञ केन्द्रप्रमुख डा.विजय श्रेष्ठले बताउनुभयो ।

जिल्लामा खपत भएर बाँकी रहेको एक लाख ३४ हजार लिटर दुध वाहिरी जिल्लामा विक्री भइरहेको छ । चितवनको दूध काठमाण्डौ, कास्की जिल्लासंगै छिमेकी जिल्लामा जाने गरेको छ । केन्द्रले सङ्कलन गरेको तथ्याङ्कअनुसार जिल्लामा दूध दिने गाई ४९ हजार छन् । जसमध्ये उन्नत ३९ हजार र स्थानीय १० हजार रहेका छन् । यसैगरी १० हजार स्थानीय र नौ हजार उन्नतजातका भैँसी छन् ।

घोषण पूर्व विभिन्न समिति र उपसमितिहरु गठन गरी जिल्लामा दूध र दुग्धजन्य पदार्थको वास्तविक तथ्याङ्क लिइएको बताउदैचितवन दुग्ध उत्पादक सहकारी सङ्घका अध्यक्ष रत्नमणि न्यौपानेचितवनमा उत्पादन हुने दूधको ४० प्रतिशतभन्दा बढी बाहिरी जिल्लामा पठाउने गरिएको तथ्यांक पाइएको जानकारी दिनुभयो ।

पछिल्लो समय युवा पुस्ता समेत पशुपालन तर्फ आकर्षित भएकाले दुधको उत्पादन बढ्दै गएको हो । जिल्लामा १३८ दुग्ध उत्पादक सहकारीमध्ये १०४ क्रियाशील रहेको जानकारी दिदै उहाँले सरकारले सहयोग गरेमा पाँच वर्षभित्रमा अहिलेको उत्पादनको ५० प्रतिशत दूध बढाउन सक्ने बताउनुभयो । दुधमा आत्मनिर्भर भएको घोषणा पश्चात कृषक खुसी भएको बताउदै अध्यक्ष न्यौपानेले आत्मनिर्भर भएपछि राज्यले सहयोग र प्रोत्साहन गर्ने आस पलाएको बताउनुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधेश्याम खतिवडा

राधेश्याम खतिवडा उज्यालोका चितवन सहकर्मी र नेपाल पत्रकार महासंघ चितवन शाखाका पूर्व अध्यक्ष हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्