आमाकाे ज्यान लिएपछि बावु थुनामा: टुहुरा बालबालिकाकाे पठनपाठनकाे जिम्मा नगरपालिकाले लियाे

असार ५, २०७६ बिहीबार १८:२५:१८ | विमल बिष्ट

डोटी - बुवाले आमाको हत्या गरेपछि टुहुरा बनेका दिपायल सिलगढी नगरपालिका-३ का पाँच बालबालिकाको पठनपाठनको जिम्मा दिपायल सिलगढी नगरपालिकाले लिने भएको छ ।

यही असार २ गते राति घरायसी विवादलाई लिएर ४५ वर्षीय श्रीमान कृष्ण नेपालीले आफ्नै श्रीमती ४० वर्षीया मीना नेपालीकाे लुगा काट्ने कैंची प्रहार गरी विभत्स हत्या गरेका थिए । आमाको हत्या अभियोगमा बुवा पनि जेल जाने भएपछि छोराछोरी टुहुरा बनेका हुन् ।

कृष्णका ५ छोराछोरीमध्ये जेठी छोरी सृजना कक्षा ११ मा पढ्दैछिन् । २० वर्षीया सृजनालाई तत्काल कुनै रोजगारीमा जोड्नका लागि पहल गर्ने दिपायल सिलगढी नगरपालिका प्रमुख मञ्जु मलासीले बताउनुभयो । उहाँले भन्नुभयो,‘सृजनालाइ रोजगारी दिन्छौँ र टुहुँरा बनेका उनका भाई बहिनीलाई नगरपालिकाले पढाउने छ ।’

त्यस्तै १६ वर्षका छोरा अंकित कक्षा ८ मा पढ्दैछन् । उनले आमाको किरिया गरिरहेका छन् । त्यसैगरी १२ वर्षीया छोरी सन्ध्या कक्षा ४ मा, ८ वर्षीया छोरी सोनिया कक्षा २ मा पढ्दैछिन् भने कान्छो छोरा विनायक एलकेजीमा पढिरहेको वडा नम्बार ३ का वडा अध्यक्ष चक्रबहादुर माझीले जानकारी दिनुभयो ।

विपन्न दलित परिवारमा जन्मिएका ती बालबालिका बिचल्लीमा परेपछि स्थानीय सरकारको अनुभूति दिलाउने गरी उनिहरुकाे पठन पाठनको जिम्मा नगरपालिकाले लिएको नगरप्रमुख मलासीले बताउनुभयो । आउँदाे शैक्षिक वर्षमा ती बालबालिकाहरुलाई आवासीय विद्यालयमा पठनपाठनको व्यवस्थाका लागि नगरपालिकाले पहल गर्ने भएको हो ।

यसका साथै किरिया खर्चका लागि पनि नगरपालिकाबाट आर्थिक सहयोग प्रदान गरिएको छ । कैंची प्रहार गरी श्रीमतीको हत्या गर्ने कृष्णका बारेमा विस्तृत अनुसन्धान भइरहेको र अनुसन्धान रिपोर्टसहित अदालत पेश गर्ने तयारी भइरहेको जिल्ला प्रहरी कार्यालय डोटीका प्रहरी प्रमुख तथा प्रहरी उपरीक्षक विद्यानन्द माझीले जानकारी दिनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्