सेती नदीमा बेपत्ता भएका युवा संघ नेता पुष्करको शव २६ दिनपछि भेटियो

असार ६, २०७६ शुक्रबार ११:३६:१६ | विमल बिष्ट

डोटी – गएको जेठ १३ गते सेती नदीमा नुहाउने क्रममा बगेर बेपत्ता भएका युवा संघ डोटीका नेता पुष्कर सिंहको शव २६ दिनपछि शुक्रबार बिहान फेला परेको छ ।

डोटीको आदर्श गाँउपालिका-५ स्थायी घर भएका नेता सिंह आफ्नै गाउँलेको मलामी गएको समयमा सेती नदीमा नुहाउने क्रममा बगेर बेपत्ता भएका थिए । ४५ वर्षीय सिंह बेपत्ता भएपछि नेपाली सेना, सशस्त्र प्रहरी, नेपाल प्रहरी, नेकपा डोटीका नेता कार्यकर्ता तथा स्थानीयवासी खोजी कार्यमा लागेका थिए ।

शुक्रबार बिहान शिखर नगरपालिका-१ कालागाढनजिक रहेको सालमुनि मन्दिर छेउमा सिंहको शव फेला परेको जिल्ला प्रहरी कार्यालय डोटीका प्रहरी प्रवक्ता तथा डीएसपी लालबहादुर धामीले जानकारी दिनुभयो ।

उहाँले भन्नुभयो, ‘सालमुनि मन्दिर नजिक शव बगिरहेको देखेपछि हामीलाई खबर गरे, हाम्रो टोली शव भएको ठाउँमा पुगिसकेको छ । मृतक सिंहका घरपरिवारलाई खबर गर्दैछौँ ।'

शव फेला परेको स्थानमा डोटी प्रहरी, नेकपाका नेता तथा स्थानीयहरुको बाक्लो उपस्थिति रहेको छ ।

त्यस्तै नेता सिंह बेपत्ता हुनुभन्दा एक हप्ताअघि सेती नदीमा नुहाउने क्रममा बगेर बेपत्ता भएकी शिखर नगरपालिका-४ बस्ने १६ वर्षीया धर्माकुमारी महराको भने अहिले सम्म शव फेला परेको छैन ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्