शताब्दी पुरुष सत्यमोहन जोशीलाई भव्य नागरिक अभिनन्दन

असार ६, २०७६ शुक्रबार २०:४७:४६ | उज्यालो सहकर्मी

भक्तपुर - वाङ्मय शताब्दी पुरुष सत्यमोहन जोशीलाई शुक्रबार भक्तपुरमा भव्य रुपमा नागरिक अभिनन्दन गरिएको छ ।

विभिन्न संघसंस्थाको सहभागितामा मध्यपुरथिमिको बाहाखाबजारबाट शंखधर चोकसम्म र्‍याली प्रर्दशन गरिएको थियो । त्यसैगरी भक्तपुरको दत्तात्रयबाट जोशीलाई गाडीमा राखेर बाजा गाजा र र्‍यालीसहित भक्तपुर नगरको विभिन्न क्षेत्रको परिक्रमा गर्दै सूर्यविनायक पुगेर नागरिक अभिनन्दन समारोहमा जोशीको भव्य अभिनन्दन गरिएको थियो ।

नेवारी परम्परा अनुसार सगुन दिनुको साथै साहित्यकार तेजेश्वरबाबु ग्वंगले वेताली, साहित्यका रमापतिराज शर्माले दोसल्ला, श्रीगोपाल प्रजापतिले फूलमाला र पूर्णप्रसाद बैध तथा कैलाश भक्त प्रधानाङ्गले टीका लगाएर उहाँलाई अभिनन्दन गर्नुभएको थियो ।

कार्यक्रममा संघीय सांसद महेश बस्नेत, प्रदेश नं. ३ का सांसद डा् राजेन्द्रमान श्रेष्ठ, सूर्यविनायक नगरपालिकाका प्रमुख वासुदेव थापा, चाँगुनारायण नगरपालिकाका प्रमुख सोम प्रसाद मिश्र, मध्यपुरथिमि नगरपालिकाका प्रमुख मदन सुन्दर श्रेष्ठ, कार्यक्रमका संयोजक नरेन्द्रभक्त हाडाले जोशीलाई अभिनन्दन पत्र प्रदान गर्नुभएको थियो ।

कार्यक्रममा सांसद महेश बस्नेतले नेपालको कला, शिल्प, साहित्य, सम्पदा, संस्कृति र लोक संस्कृतिको संरक्षणमा उहाँले पुर्याउनु भएको योगदानको चर्चा गर्नुभयो ।

वरिष्ठ पत्रकार भैरव रिसाल, वरिष्ट साहित्यकार तिलक प्रकाश कायस्थ, जिल्ला समन्वय समितिका प्रमुख नवराज गेलालले सत्य मोहन जोशी देशकै गहना भएकाले उहाँको योगदानलाई सधै स्मरण गर्नुपर्ने बताउनुभयो ।

कार्यक्रमा शताब्दी पुरुष सत्य मोहन जोशीले नेपालको बिभिन्न भाषा, संस्कृति, कला, साहित्यलाई सधै जिवित राख्नु पर्ने बताउनुभयो ।

अन्तिम अपडेट: फागुन १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्