राष्ट्र बैंकको निर्देशन: बैंक मर्जर गर्ने भए १५ दिनभित्र सूचना दिनू

 असार १२, २०७६ बिहिबार १६:३३:२ | उज्यालो सहकर्मी
unn.prixa.net

काठमाण्डाै - नेपाल राष्ट्र बैंकले मौद्रिक नीति आउनु अघि नै मर्जरको निर्णय गर्न वाणिज्य बैंकहरुलाई निर्देशन दिएको छ ।

२८ वटै वाणिज्य बैकका प्रमुख कार्यकारी अधिकृत र सञ्चालक समितिका अध्यक्षहरुलाई डाकेर राष्ट्र बैंकले मर्जर हुने संस्थाको बारेमा १५ दिनभित्रै जानकारी गराउन निर्देशन दिएको हो ।

राष्ट्रबैंकका गभर्नर चिरिञ्जिवी नेपालले बैंकहरुबीचको अस्वस्थ प्रतिस्पर्धा हटाउन पनि मर्जर आवश्यक रहेको तर यसको निर्णय छिटो लिन बैंकहरुलाई निर्देशन दिनुभयो ।

राष्ट्रबैंकले पछिल्लो समय खराब कर्जा बढेको, बैंकहरुले स्प्रेडदर र आधारदर पालना नगरेको, सुशासनको उल्लंघन भैरहेको निष्कर्ष निकाल्दै मर्जरलाई महत्व दिन पनि बैंकहरुको ध्यानाकर्षण गराएको हो । राष्ट्रबैंकले असार २७ गते मौद्रिक नीति ल्याउने तयारी गरिरहेको छ । 

अन्तिम अपडेट: फागुन ३०, २०८०

तपाईको प्रतिक्रिया