४ करोड ६४ लाख रुपैयाँ जरिबाना मागसहित ३ जनाविरुद्ध राजस्व छलीको मुद्दा दायर

असार १३, २०७६ शुक्रबार १७:३४:४ | उज्यालो सहकर्मी

काठमाण्डौ – राजस्व छलेको आरोपमा ३ जनाविरुद्ध काठमाण्डौ जिल्ला अदालतमा मुद्दा दायर भएको छ ।

ख्यातीप्राप्त ब्राण्डका मालवस्तुलाई सामान्य ब्राण्ड र अर्कै मालबस्तु भनेर आयात गरी भन्सार छलेको आरोपमा ३ जनाविरुद्ध ४ करोड ६४ लाख रुपैयाँ बिगो तथा जरिबानाको मागसहित छलीको मुद्दा दर्ता राजस्व अनुसन्धान विभागले जनाएको छ ।

सागर एन्ड साधना बिजनेस प्रालिले मेची भन्सारबाट कम मूल्यांकनमा सामान आयात गरेकोले सञ्चालक तथा एजेन्टहरु लिलाबहादुर घिमिरे, गंगाबहादुर घिमिरे र दीपेन्द्रराज पाण्डेविरुद्ध ४ करोड ६४ लाख रुपैयाँ बिगो तथा जरिबाना र ३ वर्ष कैदको माग गरेर मुद्दा दायर भएको हो । उनिहरुले २ करोड ३२ लाख रुपैयाँको राजस्व छली गरे पनि दोब्बर जरिबानाको माग राखेर मुद्दा दायर गरिएको विभागले जनाएको छ ।

उनीहरुले चीनमा उत्पादित भनेर इण्डोनेसिया र भियतनाममा उत्पादित रिबक, एडिडास, फिला, नर्थफेस, नाइकी, पुमालगायतका प्रख्यात ब्राण्डका सामान नेपाल ल्याएको विभागको दावी छ ।

अन्तिम अपडेट: फागुन १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्