बाढी र पहिरोका कारण अवरुद्ध सडक खुलाउन केही दिन लाग्ने

असार २९, २०७६ आइतबार ८:१३:४५ | उज्यालो सहकर्मी

काठमाण्डौ – बाढी र पहिरोका कारण अवरुद्ध सडक खुलाउने पहल भैरहेको सडक विभागले जनाएको छ । विभागका अनुसार काठमाण्डौबाट बल्खु हुँदै हेटौँडा जोड्ने सडक खुल्न अझै चार दिन लाग्ने भएको छ ।

मकवानपुरको कुलेखानी सडक खण्डको विभिन्न ठाउँमा पहिरो खसेकाले पहिरो पन्छाउन चार दिन जति लाग्ने सडक विभागले जनाएको छ । यस्तै अवरुद्ध बीपी राजमार्ग खुलाउन पनि एक, दुई दिन लाग्ने भएको छ । काभ्रेको रोशी गाउँपालिका ११ माम्तीमा र सिन्धुलीको सुनकोशी गाउँपालिका १ कमेरेमा सडकमा लेदो माटो खसेर राजमार्ग अवरुद्ध बनेको हो । काभ्रे भिरमा चट्टान काटेर सडक बनाउनुपर्ने भएकाले अझै केही दिन लाग्न सक्ने विभागको भनाइ छ ।

मुस्ताङको थामाङ गाउँपालिका ४ घोप्टेभीरमा कालीगण्डकी नदीमा पानीको वहाव बढेर बेनी जोमसोङ जाने सडकखण्ड अवरुद्ध भएको छ । यो खण्डमा भने बिस्तारै पानी पर्न कम भएर पानीको सतह घट्दै गएपछि सडक सञ्चालनमा आउने प्रहरीले जनाएको छ ।

बाढीले कटान गर्दा अवरुद्ध भएको उदयपुरको घुर्मी कटारी सडक खण्ड सञ्चालनमा आउन पनि केही दिन लाग्ने भएको छ । सिद्धिचरण राजमार्ग सञ्चालनमा आउन भने कम्तीमा ३ दिन लाग्ने भएको छ । ओखलढुंगाको मानेभञ्ज्याङ गाउँपालिका ७ मा पहिरो खसेर राजमार्ग अवरुद्ध बनेको हो ।

यस्तै, पहिरोका कारण अबरुद्ध रहेको मेची राजमार्ग अन्तर्गत राँके—फिदिम सडकखण्ड शनिबारदेखि एकतर्फी रुपमा खुलेको छ । सडक विभागले अत्यावश्यक अवस्थाबाहेक क्षति पुगेका वा संवेदनशील देखिएका सडक प्रयोग नगर्न सबैसँग आग्रह गरेको छ ।

अन्तिम अपडेट: फागुन १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्