भेनेजुएलाका राष्ट्रपति निकोलस मादुरोका छोरासहितकाे प्रतिनिधि मण्डल संसद भवनमा

असार ३०, २०७६ सोमबार १९:३९:१८ | रासस

काठमाण्डौ – नेपाल भ्रमणमा रहेको भेनेजुएलाको इन्टरनेशनल वामपन्थी युवा शक्तिको प्रतिनिधि मण्डलले नेपालको संसदीय अभ्यास र गतिविधिबारे जानकारी लिएको छ ।

नयाँ बानेश्वरको सङ्घीय संसद भवन पुगेर प्रतिनिधि मण्डलले नेपालको संसदीय अभ्यासबारे सांसदसँग जानकारी लिएको राष्ट्रिय सभाका सदस्य बलरामप्रसाद बाँस्कोटाले जानकारी दिनुभयो ।

भेजेनुएलाको प्रतिनिधि मण्डलमा निकोलस अर्नेस्टो मादुरो गुयरा पनि सहभागी हुनुहुन्छ । उहाँ भेनेजुएलाका राष्ट्रपति निकोलस मादुरोको छोरा हुनुहुन्छ ।

नेपाल र भेनेजुएला दुवै देशले संविधानसभाबाट संविधान निर्माण गरेको र समाजवादको दिशातर्फ अग्रसर भैरहेको हुँदा अन्तरर्राष्ट्रिय मञ्चमा साझा धारणा बनाएर ऐक्यबद्धताका साथ मिलेर जाने विषयमा छलफल भएको सांसद बाँस्कोटाले जानकारी दिनुभयो ।

दुवै देशको आन्तरिक परिस्थिति र आगामी दिनमा सम्बन्ध विस्तार गरेर अघि बढ्ने सम्बन्धमा प्रतिनिधिमण्डलले नेपाल कम्युनिष्ट पार्टी (नेकपा) का सांसदहरुसँग छलफल गरेको थियो । युवा सङ्घ नेपालको निमन्त्रणमा प्रतिनिधिमण्डल नेपाल भ्रमणमा आएको हो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्