बाढी र डुबानबाट प्रभावित जिल्लामा सर्पदंशसँगै सरुवा रोगको जोखिम

साउन ४, २०७६ शनिबार ९:३७:५५ | उज्यालो सहकर्मी

काठमाण्डौ – बाढी र डुबानबाट प्रभावित जिल्लामा सर्पदंशसँगै झाडापखाला, मलेरिया, डेंगु जस्ता रोगको जोखिम बढेको छ ।

कोशी अञ्चल अस्पतालमा अहिले दैनिक ८ देखि १० जना सर्पदंशका बिरामी उपचारका लागि भर्ना हुने गरेका छन् । स्वास्थ्य मन्त्रालयले एन्टिस्नेक भेनमसहित प्रभावित क्षेत्रमा स्वास्थ्य टोली खटाएको जनाएको छ ।

टोलीले महिला स्वास्थ्य स्वंयमसेविकासँग समन्वय गरी पानी शुद्ध गर्ने औषधि वितरण र जनचेतनाका काम गरिरहेको स्वास्थ्य आपतकालीन कार्यसञ्चालन केन्द्रका प्रमुख चूडामणि भण्डारीले बताउनुभयो । बर्खामा यसै पनि झाडापखाला, आउँ, जन्डिसजस्ता रोगको जोखिम हुने सम्भावना हुन्छ । बाढीपछि जोखिम थप बढेको भण्डारीको भनाइ छ ।

शुद्ध खानेपानी र सफा खानामा जोड दिने, सर्पदंश र लामखट्टेबाट जोगिन झुलभित्र सुत्ने सबैभन्दा राम्रो उपाय भएको उहाँको भनाइ छ ।

थप महामारी भैहालेमा उपचारका लागि बाराको पथलैया, सिरहाको लहान र महोत्तरीको बर्दिवासमा डाक्टरसहित तीन जनाको टोली पठाएको र नियमित समन्वयको काम भैरहेको पनि केन्द्रका प्रमुख भण्डारीले बताउनुभयो ।

अन्तिम अपडेट: फागुन १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्