बीपी कोइराला स्वास्थ्य विज्ञान प्रतिष्ठानका कुलपतिलाई धरौटीमा छाड्न आदेश

 साउन २१, २०७६ मंगलबार २०:१७:२९ | उज्यालो सहकर्मी
unn.prixa.net

काठमाण्डाै - विशेष अदालतले बीपी कोइराला स्वास्थ्य विज्ञान प्रतिष्ठान धरानका उपकुलपति प्राध्यापक डाक्टर राजकुमार रौनियार र उनका भतिज डाक्टर रामहरी रौनियारलाई धरौटीमा छाड्न आदेश दिएको छ ।

घुससहित पक्राउ परेका उपकुलपति राजकुमार रौनियारलाई ४८ लाख रुपैयाँ र उनका भतिज डाक्टर रामहरी रौनियारलाई ४ लाख रुपैयाँ धरौटीमा छाड्न आदेश दिइएको विशेष अदालतका उप–रजिष्टार एवं प्रवक्ता पुष्पराज पाण्डेले उज्यालोलाई जानकारी दिनुभयो । उनीहरुले धरौटी बापतको रकम अदालतमा बुझाइसकेका छन् ।

गएकाे असार २६ गते उनीहरु ८ लाख रुपैयाँ घुससहित उपकुलपति निवास धरानबाट पक्राउ परेका थिए । अख्तियारले साउन ९ गते उपकुलपति रौनियारविरुद्द १ करोड १८ लाख र उनका भतिज रामहरि विरुद्ध ८ लाख रुपैयाँ बिगो दावीसहित मुद्दा दर्ता गरेको थियो ।

आयोगका अनुसार श्याम सुन्दर निर्माण सेवा प्रा.लि.का सब-कन्ट्याक्टर गिना एवं गिना कन्स्ट्क्सन कम्पनीका प्रबन्ध निर्देशनक सुशीलकुमार झासँग उनीहरुले घुस लिएका थिए । 

अन्तिम अपडेट: चैत १०, २०८०

1 Comments

  • dhama paudyal

    Aug. 6, 2019, 8:36 p.m.

    यस्को मतलब सेटिङ बिषेश अदालत सम्म रेछ । त्यसैले चल खेल गर्न सजिलो बनाएको ।

  •  0 Reply

तपाईको प्रतिक्रिया