शेयर बजारको ओरालो यात्रा रोकिएन, आज साढे १९ अङ्कले घट्यो
बैशाख ६, २०८१ बिहिबार
काठमाण्डौ – प्रहरीले गोली प्रहार गरेर काठमाण्डौको स्वयम्भू नजिकैको विजेश्वरीबाट दुई जनालाई पक्राउ गरेको छ ।
विजेश्वरीमा रहेको एक क्याफेमा प्रहरीले गोली प्रहार गरेर लोप्साङ भनिने मिलन तामाङलाई पक्राउ गरेको हो । उनीसँगै अमृत तामाङलाई पनि पक्राउ गरिएको प्रहरीले जनाएको छ ।
प्रहरीले प्रहार गरेको गोली मिलन तामाङको खुट्टामा लागेको र उनको उपचारका लागि अहिले राष्ट्रिय ट्रमा सेन्टरमा राखिएको महानगरीय अपराध महाशाखाले जनाएको छ ।
धम्क्याउने र लुटपाटमा संलग्न रहेको सूचना आएपछि उनीहरुलाई पक्राउ गर्न प्रहरी गएको थियो । उनले रामेछापको लिखु गाउँपालिकाका अध्यक्षसँग २ करोड रुपैयाँ मागेको र नदिँदा छोरीको हत्या गरिदिने धम्की दिएपछि प्रहरीमा उजुरी दिएका थिए ।
प्रहरीले त्यही उजुरीका आधारमा पक्राउ गर्न गएको पक्राउ गर्न खोज्दा भाग्न लागेपछि गोली चलाउनु परेको प्रहरीले जनाएको छ । लुटपाट र गुण्डागर्दीमा संलग्न रहेको आरोपमा उनीहरुलाई पक्रेको प्रहरी प्रवक्ता विश्वराज पोखरेलले जानकारी दिनुभयो ।
पक्राउ परेका मिलन तामाङ रामेछापको गेलुका स्थानीय हुन् ।