पहिरोले टोल नै जोखिममा

 साउन २६, २०७६ आइतबार १३:७:१३ | उज्यालो सहकर्मी
unn.prixa.net

रसुवा – बस्तीमुनिबाट पहिरो गएपछि एउटै टोलका सात घर जोखिममा परेका छन् ।

अविरल वर्षाका कारण आएको पहिरोले जिल्लाको नौकुण्ड गाउँपालिका–४, नामशरण टोल जोखिममा परेको हो । यहाँका सात परिवारलाई तत्काल सुरक्षित ठाउँमा सार्नुपर्ने देखिएको छ ।

पहिरोले श्यामबहादुर पाख्रिन, कीर्तिमान पाख्रिन, चन्द्रबहादुर पाख्रिन, मनकुमारी थिङ, विपीलाल ग्लान, बुद्धिमान पाख्रिन र मंगले पाख्रिनको घर जोखिममा परेको हो । घरमुनिबाट पहिरो गएका कारण घरमा बस्न सक्ने अवस्था नरहेको स्थानीय श्यामबहादुर पाख्रिनले बताउनुभयो ।

यस वर्ष वडा कार्यालय तथा गाउँपालिकामा निवेदन दिएको उहाँको भनाइ छ । गएको वर्ष पनि गाउँपालिका तथा प्रहरीमा निवेदन दिएको भए पनि कुनै सुनुवाइ नभएको स्थानीय बताउँछन् ।

वर्षा याम अझै बाँकी रहेकाले तत्काल पहिरो रोकथाम गर्नुपर्ने देखिएको छ । गएको वर्ष पनि बस्ती नजिकै पहिरो गएको थियो । सडकको नयाँ ट्रयाक खोलेसँगै बस्ती नै जोखिममा परेको हो ।

अन्तिम अपडेट: असोज २३, २०७६

तपाईको प्रतिक्रिया