सेती नदी किनारकाे चट्टानमा ७ गाई फसे, उद्धार टोली जाँदै

साउन २९, २०७६ बुधबार १३:५३:२८ | विमल बिष्ट

डोटी – सुदूर पश्चिमको दिपायल पिपल्लाको सेती नदीको चट्टाने भीरमा सात ओटा गाई फसेका छन् । तर ती गाईहरु कसरी फसे र कहिलेदेखि फसेका हुन्, यस बारेमा थाहा भैसकेको छैन ।

सेती नदीको किनारमा रहेको चट्टानमा फसेका गाईको उद्धारका लागि प्रयास भैरहेको डोटीका प्रमुख जिल्ला अधिकारी टेकनारायण पौडेलले बताउनु भयो । ‘गाईहरु फसेको विषयमा मैले जानकारी पाएँ, उद्धारका लागि प्रहरी तथा सशस्त्र प्रहरीलाई भनेको छु, चाँडै उद्धार गरिने छ’, उहाँले भन्नुभयो ।

फसेका गाईमध्ये केही दूधालु तथा केही गाईहरु ब्याउने अवस्थाका रहेका गाई फसेको देख्ने प्रत्यक्षदर्शी तथा स्थानीयवासी तेजबहादुर डुम्रेले बताउनुभयो । उहाँले भन्नुभयो, ‘केही गाई दूधालु छन्, केही गाई ब्याउने अवस्थाका छन्, मैले उद्धार गर्ने कोसिस गरेँ तर सकिन ।’

ती गाईहरु कसरी फसे यसबारेमा अनुसन्धान गरिरहेको इलाका प्रहरी कार्यालय दिपायलका प्रमुख कमलापति पन्तले बताउनुभयो । उहाँले भन्नुभयो, ‘मान्छे जान नसक्ने भीरमा गाई फसेका छन्, गाई कसरी त्यहाँ गए, कसैले धकेलेको हो कि, हामी अनुसन्धान गर्दैछौँ ।’

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्