रसुवागढी नाकामा ‘जोइन्ट कमान्डिङ सेन्टर’ स्थापना गर्न चिनियाँ पक्षको आग्रह

साउन २९, २०७६ बुधबार १९:४३:५४ | उज्यालो सहकर्मी

रसुवा - रसुवागढी नाकामा ‘जोइन्ट कमान्डिङ सेन्टर’ छिटै स्थापना गर्न चिनियाँ पक्षले आग्रह गरेको छ ।

नाकामा अवैध गतिविधि, मानव बेचबिखन तथा लागुऔषधको ओसारपसार न्यूनीकरण गर्नका लागि यसको स्थापना गर्न आवश्यक रहेको चीनमा रहेकाे केरुङ सीमा तथा अध्यागमन प्रशासनले जनाएको छ ।

चीनमा रहेकाे केरुङ पोर्टमा बुधबार बसेको दुई पक्षीय ‘काउन्टर पार्ट’ बैठकमा चिनियाँ टोलीले यसबारे चासो देखाएका प्रमुख जिल्ला अधिकारी अर्जुन भण्डारीले बताउनुभयो । ‘हामीले गएकाे असारदेखि प्रक्रिया अघि बढाएका थियौँ’, उहाँले भन्नुभयो, ‘सेन्टर स्थापना गर्न मन्त्रालयमा पत्र पठाएका छौँ ।’

सेन्टरले नाकामा देखिएका समस्याको समाधान गर्ने, नाकामा हुनसक्ने अवैध गतिविधि नियन्त्रणका लागि सूचना सङ्कलन गर्ने, दुई देशबीच समन्वय गर्ने तथा आ–आफ्नो निकायमा रिपोर्टिङ गर्ने काम गर्नेछन् ।

साथै चिनियाँ टोलीले नाकामा रहेका प्रहरीलाई मजबुत बनाउनका लागि ११ प्रकारका सामग्री हस्तान्तरण गरेको छ । बुधबार एक कार्यक्रमका बीच चिनियाँ प्रशासनका स्टेसन मास्टर गाओ हु हाइ र रसुवाका प्रजिअ भण्डारीले हस्तान्तरण पत्रमा हस्ताक्षर गर्नुभएको छ ।

अन्तिम अपडेट: माघ २४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्