वर्ष दिन बित्न लाग्दा पनि भेटिएनन् पत्रकार तेजु

साउन ३०, २०७६ बिहीबार १२:४४:४४ | उज्यालो सहकर्मी

डोटी – नेपाल प्रेस युनियन डोटी शाखाका संस्थापक अध्यक्ष तथा पत्रकार तेजबहादुर खड्का ‘तेजु’ बेपत्ता भएको एक वर्ष बित्न लाग्दासमेत उहाँको कुनै जानकारी छैन । विसं २०७५ साल भदौ महिनाको ९ गते बाजुराको बुढीनन्दा धार्मिक क्षेत्रबाट चतुर्दशीको मेला सकेर फर्किने क्रममा सातपाखे भन्ने ठाउँबाट उहाँ सम्पर्कविहीन हुनु भएको थियो ।

सम्पर्कविहीन हुनुभएदेखि नै उहाँको खोजी कार्य गरिए पनि अहिलेसम्म कुनै खबर पत्ता नलाग्दा उहाँका घर परिवार निकै चिन्तित बनेका छन् । समुद्रीसतहदेखि करिब १६ हजार फिट उचाइमा रहेको बुढीनन्दामा भाद्र शुक्ल चतुर्दशीको बिहान लाग्ने मेलाको रिपोर्टिङ्गका लागि पत्रकार खड्का भदौ ६ गते त्यसतर्फ जानु भएको थियो ।

बेपत्ता हुनु भएका पत्रकार खड्काको खोजीका लागि नेपाली सेना, नेपाल प्रहरी र स्थानीयबासीन्दा लगातार खटिरहेका भए पनि अहिलेसम्म कुनै खबर नआएकोले परिवारमा पीडा बढेको छ । उहाँका दाजु तथा कांग्रेस नेता जितबहादुर खड्काले भन्नुभयो, ‘मेरो भाइ हराएको एक वर्ष हुन लाग्यो, अहिलेसम्म कसैले फेला पानी सकेनन् ।’

पत्रकार खड्काको खोजीका लागि नेपाल पत्रकार महासंघले विभिन्न टोली बनाएर खोजी गरे पनि केही पत्ता लाग्न सकेको छैन ।

अन्तिम अपडेट: फागुन ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्