बुढीगण्डकी आयोजना : मुआब्जा पुनरावलोकनका लागि सांसदसहितको टोलीले सरकारसँग वार्ता गर्ने

मंसिर १७, २०७६ मंगलबार १८:८:३५ | किरण लोहनी

गोरखा – बुढीगण्डकी आयोजनाका कारण डुबानमा पर्ने बजार क्षेत्रको मुआब्जाबारे जनप्रतिनिधिहरुले सरकारसँग छलफल गर्ने भएका छन् ।

गोरखा र धादिङका संघ र प्रदेश सभाका सांसद, राजनीतिक दलका प्रतिनिधि र पूर्व सांसदहरुले मुआब्जा रकममा पुनरावलोकनका लागि सरकारसँग वार्ता गर्ने भएका हुन् ।

दुवै जिल्लाका प्रभावित क्षेत्रका जनप्रतिनिधि र सरोकारवालाहरुको आज बसेको संयुक्त बैठकले आन्दोलनका कार्यक्रमलाई निरन्तरता दिँदै सरकारी निकायसँग वार्ता गर्ने निर्णय गरेको हो । दुवै जिल्लाका सांसद, राजनीतिक दलका प्रतिनिधि र पूर्व सांसदहरुको भोलि काठमाण्डौमा बैठक बसेर वार्ताको क्रम सुरु हुने आरुघाट गाउँपालिकाका अध्यक्ष पूर्ण दाहालले बताउनुभयो । आज भएको बैठकले वार्ताका क्रममा उठाउने एजेण्डाहरु पनि तय गरेको छ ।

सम्बन्धित समाचार

बुढीगण्डकी प्रभावितद्वारा आरुघाट र त्रिपुरासुन्दरी गाउँपालिका कार्यालयमा तालाबन्दी

बुढीगण्डकी आयोजनाले तोकेको मुआब्जा रकम कम भएकाे भन्दै आरुघाट बजार बन्द

हाल भएको मुआब्जासम्बन्धी निर्णय र जग्गाको वर्गीकरणसम्बन्धी निर्णय संशोधन हुनुपर्ने, ५ आनाभन्दा कम जग्गा भएका प्रभावितका लागि विशेष व्यवस्था हुनुपर्ने, मुआब्जा रकम थप्न नसक्ने भए प्रभावितको रोक्का राखिएको जग्गा फुकुवा गरी लालपूर्जा फिर्ता दिनुपर्ने एजेण्डासहित वार्ता हुने दाहालले बताउनुभयो ।

सरकारी निकायबाट यी माग सम्बोधन नभए जग्गा प्राप्ति ऐन २०३४ मा भएको व्यवस्थाअनुसार पुनरावेदन प्रक्रिया सुरु गर्ने निर्णय बैठकले गरेको छ । जारी आन्दोलनको समन्वयका लागि आरुघाट क्षेत्रमा गोरखा र धादिङतर्फ १०-१० जना र खहरेमा ४ जनालाई खटाउने पनि बैठकले निर्णय गरेको आरुघाट गाउँपालिका अध्यक्ष दाहालले जानकारी दिनुभयो ।

बुढीगण्डकी आयोजनाका कारण डुबानमा पर्ने आरुघाट बजार र आसपासका बासिन्दाले गाउँपालिकाका कार्यालयमा ताला लगाएका छन् । आयोजनाले सोमबार सार्वजनिक गरेको बजार क्षेत्रको मुआब्जा रकम मा भन्दा निकै कम भएको भन्दै उनीहरुले आरुघाट गाउँपालिकाको कार्यालयमा अनिश्चितकालका लागि भन्दै ताला लगाएका हुन् ।

याे पनि पढ्नुहाेस्

बुढीगण्डकी आयोजनामा पर्ने आरुघाट, आर्खेत र खहरे बजारक्षेत्रको मुआब्जा निर्धारण

मंगलबार बिहान कार्यालय समय सुरु हुनासाथ प्रभावित क्षेत्रका बासिन्दाले कार्यालयको मुख्य प्रवेशद्वारमा ताला लगाएका हुन् । प्रभावितहरुले आरुघाट गाउँपालिका वडा नम्बर ९ को कार्यालयमा पनि ताला लगाएका छन् ।

बजार क्षेत्रको मुआब्जा रकम कम भएको भन्दै आरुघाटका बासिन्दाले सोमबारदेखि नै बजार बन्द गरेका थिए । मंगलवार पनि बिहानैबाट आरुघाट बजारका पसल, बैङ्क तथा वित्तीय संस्थाको कार्यालय, यातायात र शैक्षिक संस्था बन्द छन् ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्