इरानमा सरकार विरोधी प्रदर्शन चर्कँदै, सर्वाेच्च नेता खामनेईविरुद्ध नाराबाजी

पुष २८, २०७६ सोमबार १०:३०:४० | एजेन्सी

काठमाण्डौ – इरानी सेनाले युक्रेनी विमान भुलवश खसालेको स्वीकार गरेपछि तेहरानमा आइतबार पनि सरकारविरुद्ध प्रदर्शन भएको छ ।

अमेरिकी हवाई आक्रमणमा इरानी सैन्य कमाण्डर कासिम सुलेमानी मारिएपछि अमेरिका र इरानबीचको तनाव बढिरहेको छ । तेहरानमा भएको विमान दुर्घटनामा एक सय ७६ जनाको ज्यान गएको विषयमा सरकारले झुट बोलेको भन्दै प्रदर्शन सुरु भएको हो ।

याे पनि पढ्नुस्

झुक्किएर युक्रेनी विमान खसालिएकाे इरानी सेनाकाे स्वीकार

तेहरानमा भएको विमान दुर्घटनामा झुट बोलेको भन्दै सरकारविरुद्ध प्रदर्शन

आइतबारको प्रदर्शनमा प्रदर्शनकारीहरुले ईरानको सर्वाेच्च नेता आयातूला अली खमनेईविरुद्ध पनि नारा लगाए । यसैबीच अमेरिकाले फेरि एक पटक ईरानसँग बिना शर्त वार्ता गर्न तयार रहेको बताएको छ ।

प्रदर्शनकारीहरुको भिडलाई तितरबितर पार्न अश्रृग्यास प्रहार गरिएको र कैयौँलाई पक्राउ गरिएको सञ्चारमाध्यमहरुले जनाएका छन् ।

ट्वीटरमा राखिएको एक भिडियोमा तेहरानको एक विश्वविद्यालयबाहिर प्रदर्शनकारीहरुले भनेका छन्, ‘सरकारले हाम्रो शत्रु अमेरिका हो भनेर भुट बोलिरहेको छ, वास्तवमा हाम्रा शत्रु त यहीँ छन् ।’ यो पोस्टको आधिकारिक पुष्टि भने भएको छैन तर सरकार सञ्चारमाध्यमले शनिबार भएको विरोध प्रदर्शनको पुष्टि गरेका छन् ।

विभिन्न देशका यात्रु चढेको युक्रेनी विमान इरानी क्षेप्यास्त्र प्रहारबाट दुर्घटना भएको थियो । दुर्घटनाको दुई दिनसम्म ईरानी सेनाले क्षेप्यास्त्र प्रहार नभएको दाबी गरे पनि गएको शनिबार भने भुलवश क्षेप्यास्त्र प्रहार भएको जनाएको थियो ।

युक्रेनी अधिकारीहरुका अनुसार विमान दुर्घटनामा ८२ जना इरान, ६३ जना क्यानडा, ११ जना युक्रेन, १० जना स्विडेन, चार जना अफगानिस्तान, तीन जना यूके र तीन जना जर्मनीका नागरिकको ज्यान गएको थियो ।

प्रदर्शनमा ठूलो सङ्ख्यामा सुरक्षाकर्मीका साथै रेभलुशनरी गार्ड्सका सैनिक पनि खटिएका छन् । प्रदर्शनकारीमध्ये अधिकांश महिलाहरु छन् ।

प्रदर्शनकारीहरुले सर्वाेच्च नेता आयातुला अलि खामनेईलाई लक्षित गर्दै ‘मुख्य कमाण्डर राजीनामा देऊ’ र ‘झुट बोल्नेहरुलाई मृत्यु’ भन्दै नाराबाजी गरेका थिए ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्