चिनी मिल सञ्चालकले अझै दिएनन् उखु किसानकाे रकम

माघ ४, २०७६ शनिबार ९:४७:५९ | उज्यालो सहकर्मी

प्रतिवद्धता अनुसारको समय सकिन तीन दिन मात्र बाँकी भए पनि चिनी मिल सञ्चालकले तिर्नुपर्नेमध्ये आधा रकम मात्रै तिरेको उखु किसानले बताएका छन् ।

चिनी मिल सञ्चालकले माघ ७ गतेभित्र किसानलाई दिन बाँकी सबै रकम तिर्ने सहमति जनाएकोमा अझै २२ करोड रुपैयाँ तिर्न बाँकी रहेको किसानले बताएका छन् ।

जसमध्ये वागमती चिनी मिलले ९ करोड, इन्दिरा चिनी मिलले ९ करोड र लुम्बिनी चिनी मिलले ४ करोड रुपैयाँ किसानलाई दिन बाँकी छ । बक्यौता उठाइदिन आग्रह गर्दै उखु किसानले काठमाण्डौमा २ हप्ता प्रदर्शन गरेपछि सरकारले चिनी मिल सञ्चालकलाई १५ दिनमा सबै रकम भुक्तानी दिने प्रतिबद्धतासहित किसानसँग ५ बुँदे सहमति गरेको थियो ।

अबको तीन दिनमा बाँकी पैसा नपाए फेरि काठमाण्डौ गएर आन्दोलन गर्ने तयारी गरिएको सर्लाहीका उखु किसान राजेश यादवले बताउनुभयो ।

सहमतिअनुसार आउँदो मंगलबारसम्म उद्योगीले बाँकी सबै रकम किसानलाई नदिए कारबाही प्रक्रिया अघि बढाउने उद्योग, वाणिज्य तथा आपूर्ति मन्त्रालयका प्रवक्ता दिनेश भट्टराईले जानकारी दिनुभयो ।

सरकारले दिने अनुदान बापतको ९६ करोड रुपैयाँ बराबर भने दिइरहेको र तोकिएको समयभित्रै दिनेमा आफूहरु आशावादी रहेको पनि यादवले बताउनुभयो ।

अन्तिम अपडेट: फागुन १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्