परराष्ट्र मन्त्री ज्ञवाली र चिनियाँ विदेश मन्त्रीबीच फाेन वार्ता, काेराेनाविरुद्धकाे लडाइमा ऐक्यबद्धता

 फागुन २६, २०७६ सोमबार १८:३०:४८ | उज्यालो सहकर्मी
unn.prixa.net

काठमाण्डाै – छिमेकी देश चीनमा फैलिएको कोरोना भाइरसविरुद्ध नेपालले ऐक्यबद्धता जनाएको छ ।

परराष्ट्र मन्त्री प्रदीपकुमार ज्ञवालीले छिमेकी चीनका राज्य परिषद् सदस्य एवं विदेश मन्त्री वाङ यीलाई टेलिफोन गरी कोरोनाविरुद्ध ऐक्यबद्धता जनाउनुभएको हो ।

चिनियाँ समकक्षीसँगको फोन वार्तामा कोरोनाविरुद्धको चीनको लडाइमा ऐक्यबद्धता जनाएको परराष्ट्र मन्त्रालयले ट्वीटमार्फत जानकारी दिएको छ । उहाँहरुबीच द्विपक्षीय विषयमा पनि छलफल भएको ट्वीटमा उल्लेख छ ।

परराष्ट्र मन्त्री ज्ञवालीले पनि याे ट्वीटलाई रिट्वीट गर्नुभएकाे छ । 

साथै चिनियाँ विदेश मन्त्री वाङले प्रधानमन्त्री केपी शर्मा ओलीको स्वास्थ्य लाभको कामना समेत गर्नुभएको छ ।

अन्तिम अपडेट: फागुन ३०, २०८०

तपाईको प्रतिक्रिया