भारतीय गाउँमा कोरोना सङ्क्रमित भेटिएपछि रुपन्देहीका बासिन्दा त्रसित

चैत २३, २०७६ आइतबार १०:५८:३० | भवानीप्रसाद पाण्डे

रुपन्देही – नेपाल भारत सीमा नजिकै कोरोना सङ्क्रमित भेटिएसँगै रुपन्देहीका बासिन्दा त्रसित बनेका छन् । यस्तै जिल्लामा उच्च सर्तकता अपनाउन थालिएको छ ।

मर्चवारी गाउँपालिकासँग सीमा जोडिएको भारतीय गाउँ कोल्हुई र पुरन्दपुर थानानजिकको गाउँमा ६ जना कोरोना सङ्क्रमित भएको पुष्टि भएपछि सीमानाकाहरुमा कडाइ गर्न थालिएको छ ।

एकले अर्कोलाई देख्ने गरी सशस्त्र प्रहरी खटाइएको छ भने सीमानाकाहरुबाट पैदल हिँड्न समेत रोक लगाइएको छ । मर्चवारी गाउँपालिकाका अध्यक्ष केशवनन्द बानियाँका अनुसार कोरोना सङ्क्रमित भेटिएको भारतीय कोल्हुई गाउँ र मर्चवारी गाउँपालिकाबीच पैदल दूरी १० मिनेटको मात्रै रहेको छ ।

कोल्हुई गाउँ मर्चवारबासीको लागि प्रमुख बजार पनि हो । कोरोना सङ्क्रमितहरु दिल्लीको तबलिगी मरकजमा सहभागी भएर सीमावर्ती भारतीय गाउँहरुमा आएका छन् ।

छिमेकी भारतीय गाउँमा कोरोना सङ्क्रमित भेटिएपछि रुपन्देहीको मर्चवारदेखि बुटवलसम्मका बासिन्दा त्रसित बनेका छन् । कोल्हुई गाउँबाट तरकारी नेपाली बजारमा आउने भएकोले उच्च सर्तकता अपनाउनुपरेको जिल्लाका प्रहरी प्रवक्ता खड्कबहादुर खत्रीले बताउनुभयो ।

प्रमुख जिल्ला अधिकारी महादेव पन्थले सशस्त्र प्रहरी परिचालन गरी सीमा क्षेत्रलाई सिल गरिएको बताउनुभयो । जो नेपाल छिरेका छन् उनीहरुलाई क्वरेण्टीनमा राखिएको र अब कसैलाई नेपाल प्रवेश गर्न नदिइने प्रमुख जिल्ला अधिकारी पन्थले भन्नुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भवानीप्रसाद पाण्डे

रुपन्देहीका उज्यालो सहकर्मी भवानीप्रसाद पाण्डे बुटवल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्