दाङ : कोरोना सङ्क्रमितलाई कोरोना विशेष अस्पताल बेलझुण्डीमा लगियो

उनीहरुलाइ ल्याउने एम्बुलेन्स चालकलाई क्वरेन्टीनमा राखियो

जेठ ३, २०७७ शनिबार ८:५६:१ | हेमराज शर्मा

दाङ - कोरोना भाइरस सङ्क्रमण पुष्टि भएका गढवा गाउँपालिकाका दुईजनालाई बेलझुण्डीमा रहेको कोरोना विशेष अस्पतालमा उपचारका लागि लगिएको छ ।

शुक्रबार राति दुई जना सङ्क्रमितलाई गढवाको क्वरेण्टीनबाट लगिएको गढवा स्वास्थ्य शाखा प्रमुख कैलाश चौधरीले जानकारी दिनुभयो । उनLहरु भारत हुँदै कपिलवस्तुबाट जुन एम्बुलेन्सबाट आएका थिए, त्यही एम्बुलेन्सबाट कोरोना अस्पतालमा लगिएको चौधरीले जानकारी दिनुभयो ।

गढवा गाउँपालिका ४ र ५ का ३६ र २३ वर्षका व्यक्तिमा सङ्क्रमण देखिएको हो । उनीहरु भारतको गोरखपुर र मुम्बइबाट फर्किएका व्यक्ति हुन् । कृष्णनगरबाट एम्बुलेन्सबाट गढवा ल्याइएको र गढवाबाट स्वाब संकलनका लागि फेरि अर्को एम्बुलेन्सबाट लमही क्वरेण्टीनमा लगिएको पाइएको छ ।

दुवै एम्बुलेन्स चालकलाई क्वरेण्टीनमा राखिएको र आज स्वाब संकलन गरेर परीक्षणको लागि पठाइने चौधरीले जानकारी दिनुभयो । यसैबीच बाँकेमा कोरोना संक्रमीत पुष्टि भएका ८ जनालाई पनि हिजो बेलुकी उपचारका लागि दाङको बेलझुण्डीमा रहेकोे कोरोना विशेष अस्पतालमा उपचारका लागि लगिएको छ ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्