कतार सरकारद्वारा नेपाली श्रमिकलाई डेढ करोड रुपैयाँ बराबरको खाद्यान्न सहयोग

जेठ ९, २०७७ शुक्रबार १९:२:४८ | उज्यालो सहकर्मी

काठमाण्डौ – कतारमा रहेका नेपाली श्रमिकका लागि त्यहाँको सरकारले खाद्यान्न उपलब्ध गराउन डेढ करोड रुपैयाँ सहयोग गरेको छ ।

कोरोनाको कारण रोजगारी गुमाएका श्रमिकको सहयोगार्थ कतार सरकारले १ लाख ३४ हजार डलर अर्थात १ करोड ६० लाख रुपैयाँ बराबरको खाद्यान्न सहयोग उपलब्ध गराएको हो ।

गैरआवासीय नेपाली संघ (एनआरएनए) अध्यक्ष कुमार पन्तका अनुसार संघको पहलमा कतार सरकारले खाद्यान्न गैरआवासीय नेपाली संघ कतार शाखालाई हस्तान्तरण गरेको हो । पन्तले सरकारद्वारा प्राप्त सहयोग एनआरएनए कतारको सकृयतामा नेपाली श्रमिकलाई वितरण भइरहेको पनि बताउनुभयो ।

कतारले एक च्यारिटी संस्थामार्फत ७ हजार प्याकेट खाद्यान्न संघलाई दिएको संघका सचिव आरके शर्माको भनाइ छ ।

त्यहाँ रहेको नेपाली दूतावासका अनुसार कतारमा ३ लाख ५१ हजार नेपाली कार्यरत छन् । कतार सरकारको जनस्वास्थ्य मन्त्रालयले बिहीबार प्रकाशित गरेको सूचना अनुसार पछिल्लो २४ घण्टामा ५ हजार ४५ जनामा जाँच गर्दा थप १ हजार ५ सय ५४ जनामा कोरोना संक्रमण भेटिएको संघको कतार शाखाका अध्यक्ष मोहम्मद मुक्तदाले जानकारी दिनुभयो ।

कतारमा ६ सय ८८ जना कोरोना सङ्क्रमित निको भएको र एक जनाको ज्यान गएको स्वास्थ्य मन्त्रालयले जनाएको मुक्तदाले बताउनुभयो ।

अन्तिम अपडेट: फागुन ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्