बझाङमा क्वरेण्टीनमा बसेका युवा विद्यालयकाे पर्खाल लगाउन जुटे

जेठ १०, २०७७ शनिबार २०:५३:२३ | डीबी बिष्ट

बझाङ – लामो समय भारतका विभिन्न क्वरेण्टीनमा बसेर बझाङ आएका युवाहरु विद्यालयकाे पर्खाल लगाउन जुटेका छन् ।

एक हप्ता अगाडि भारतका रामपुरबाट उद्धार गरिएका युवाहरुले थलारा गाँउपालिका २ मा पर्ने शारदा उमाविको प्राङ्गण वरिपरि घेराबार लगाएका हुन् । विद्यालयको वरिपरि घेरबार नभएकाे कारण विद्यालय नजिकैबाट ढुङ्गा बोकेर पर्खाल लगाउन लागिएको क्वरेण्टीनमा बसेका युवा रागबराज बानियाँले जानकारी दिनुभयो ।

विद्यालयमा पर्खाल नहुँदा गाउँबाट विद्यालय सञ्चालन भएको समयमा समेत पशु चौपाया विद्यालयको प्राङ्गणमा आउने समस्या थियो । आफ्नो गाउँ-ठाउँकाे विद्यालयमा सानो सहयोग गरेकाे अर्का युवा भरत थापाले बताउनुभयो । जो कोहीले पनप क्वरेण्टीनमा बस्दा केही न केही सकारात्मक तथा नयाँ काम गर्नु जरुरी रहेको युवाहरुको भनाइ छ ।

दिनभरि क्वरेण्टीनमा तास खेलेर दिन बिताउनुभन्दा समाजको विकास हुने र लामो समयसम्म सम्झनासमेत रहने खालको काम गर्नुपर्ने उनीहरुको भनाइ छ । अहिले पर्यात मात्रामा औजार नभएका कारण भने जति काम गर्न नसकिएको र जनप्रतिनिधिहरुसँग आफूहरुले औजार माग गरेको उनीहरुले बताएका छन् ।

उनीहरुले विद्यालयको शाैचालयसमेत पुनर्निर्माण गर्ने योजना बनाएका छन् । थलारा गाँउपालिका २ का वडाध्यक्ष हेमराज खड्काले आवश्यक औजार उपलब्ध गराउने तयारी भइरहेको जानकारी दिनुभयो । भारतको रामपुरबाट आएका उनीहरुसँग ३९ जना युवासहित महिला तथा बालबालिका गरेर यस विद्यालयमा ६८ जना रहेका छन् । थप शनिबार वडा नम्बर एक र दुईका गरेर भारतबाट मात्रै १०२ जना यहाँ पुगेको र उनीहरुको व्यवस्थापन गर्न गाँउपालिका लागि परेकोसमेत उहाँले जानकारी दिनुभयो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्