बझाङ : क्वरेण्टीनमा बसेकाहरुले आफैँ खानाको जोहो गर्नुपरेको गुनासो

जेठ १४, २०७७ बुधबार १८:३३:५० | डीबी बिष्ट

बझाङ - बझाङको जयपृथ्वी नगरपालिकाले निर्माण गरेको क्वरेण्टीनमा बसेकाहरुले खान नपाएको गुनासो गरेका छन्।

भारतको काँसीपुरबाट आएर क्वरेण्टीनमा बसेकाहरुले खाना पाएको गुनासो गरेका हुन् । उनीहरुले बझाङकाे सदमुकाम चैनपुरमा एक जनाको दीदीको कोठामा गएर खाना बनाएर खाने गरेको बताएका छन् । क्वरेण्टीनमा अहिले १२ जना राखिएको छ ।

स्थानीय जनप्रतिनिधिलाई यसबारे जानकारी गराउँदा पनि कुनै सुनुवाई नभएको उनीहरुले बताए । कोरोनालेभन्दा भोकले मर्ने चिन्ता लागेकाले आफ्नो खाने व्यवस्था आफैँ गरेको क्वरेण्टीनमा बसिरहेकाको भनाइ छ ।

‘क्वरेण्टीनमा खाने कुराको व्यवस्था छैन । भोकै मरिने हो कि भन्ने चिन्ता लाग्न थालेको छ । मापदन्ड अनुसारको क्वरेण्टीनको व्यवस्था नुहँदा निक्कै दुःख पाइएको छ’, उनीहरुले भने । उनीहरुले क्वरेण्टीनमा खाने बस्ने व्यवस्था मिलाइदिने सम्बन्धित निकायसँग आग्रह गरेका छन् ।

अहिले नगरपालिकाले निर्माण गरेका विभिन्न क्वरेण्टीनमा ९ जना बालबालिका, १२ जना पुरुष र २ जना बालबालिकासहित २३ जना बसेका छन् । बझाङ जिल्लाभर निर्माण गरिएका ९३ ओटा क्वरेण्टीनमा १ हजार ८३ जना नागरिक राखिएको छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्