घरमै बसेर विद्युत मिटर रिडिङ गर्न सकिने, यस्तो  छ प्रक्रिया

 जेठ १८, २०७७ आइतबार ११:११:४१ | उज्यालो सहकर्मी
unn.prixa.net

काठमाण्डौ - ग्राहकले अब बिजुलीको मिटर आफै रिडिङ गर्न सक्ने भएका छन् ।

कोरोना रोकथाम र नियन्त्रणका जारी लकडाउनका कारण घरघरमा गएर मिटर रिडिङ गर्न नसकेपछि नेपाल विद्युत प्राधिकरणले ग्राहकले अनलाइनमार्फत आफ्नो मिटरमा उठेको विद्युत खपतको अंक राख्न पाउने व्यवस्था गरेको हो । इन्टरनेट सुविधा नभएका ग्राहकहरुलाई पनि टोलफ्रि नम्बरमा फोन गरी विद्युत खपतको मिटर अंक टिपाउन सक्ने व्यवस्था छिट्टै गरिने नेपाल विद्युत प्राधिकरणले जनाएको छ । 

यस प्रणालीमार्फत मिटर आफ्नो घरको मिटर रिडिङ गर्न ग्राहकले इन्टरनेट ब्राउजरको एड्रेसबारमा कन्जुमर डट एनइए डट ओआरजी डट एनपी (https://consumer.nea.org.np) टाइप गरी इन्टर हानेपछि होमपेज खुल्ने छ । त्यसपछि ग्राहकले पहलो पटक रजिष्ट्रेशन गर्नुपर्ने छ । रजिष्ट्रेशन गर्दा युजरनेममा ग्राहकले आफ्नो मोबाइल नम्बर र पासओर्ड राख्नु पर्ने छ । 

पहिलोपल्ट लगइन गरिसकेपछि रजिष्ट्रेशन गर्दा राखिएको मोबाइल नम्बर र आफूले राखेको पासवर्ड प्रयोग गरी लगइन गर्न सकिने छ । त्यसपछि एड कन्जुमर बटन (Add Consumer) क्लिक गरी  खुल्ने कन्जुमर रजिष्टे«शन फारममा (Consumer Registration Form) दिइएको निर्देशनअनुसार ग्राहक विवरण भरी दर्ता गर्नुपर्ने छ ।

पहिलोपल्ट विवरण भरेपछि अर्कोपल्ट प्रयोग गर्दा पुनः भर्नुपर्ने छैन । त्यहाँ देखाउने ग्राहकको सूचीमा आफ्नो ग्राहक नम्बरमा क्लिक गरेपछि खुल्ने अनलाइन मिटर रिडिङ इन्ट्रि फारममा आफ्नो घरको विद्युत् मिटरमा देखिएको अंक ‘करेन्ट मिटर रिडिङ फिल्ड’मा टाइप गरी बुझाउनु पर्ने छ ।

मिटरको अंक देखिने गरी फोटो खिची ब्राउज बटन क्लिक गरी फोटो अपलोड गरेर पनि पठाउन सकिने छ । यति गरेपछि  खपत भएको विद्युतको महसुल देखाउने । महसुल विभिन्न अनलाइन भुक्तानीका लागि अनुमतिप्राप्त सेवा प्रदायकमार्फत तिर्न सकिने छ । 

ग्राहकले अनलाइन मिटर रिडिङ प्रणालीमा विद्युत खपतको वास्तविक अंक राख्नु पर्नेछ । यदि हालिएको अंकमा कुनै दुरुपयोग भए विद्युत् वितरण विनियमावलीमा भएको व्यवस्थाअनुसार कारबाही हुने प्राधिकरण वितरण तथा ग्राहक सेवा निर्देशनालयले प्रष्ट पारेको छ । 

प्राधिकरण कम्प्युटराइज्ड विलिंग महाशाखाकाअनुसार यो प्रणाली शुरु गरिएपछि करिब २५ हजार ग्राहकहरुले सुरु रजिष्टे«शन गराएका छन् । ८ हजार ग्राहकले आफैं आफ्नो विद्युत मिटरमा चढेको अंक प्रणालीमा राखि समयमै रिडिंग गराई अनलाइनमार्फत महशुल भुक्तानी गरी छुट सुविधा लिएका छन् ।  

प्राधिकरणले ग्राहक सेवालाई थप प्रभावकारी बनाउन २ वर्ष अघिदेखि अनलाइनमार्फत विद्युत महशुल भूक्तानी गर्ने सकिने व्यवस्था गरेको हो । हाल सात लाखभन्दा बढी ग्राहले अनलाइन मार्फत महसुल भुक्तानी गर्दै आएका छन् ।

अन्तिम अपडेट: फागुन ९, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

9 Comments

  • Shivprasad Bhandari

    Sept. 5, 2020, 11:39 a.m.

    जस्तो नेपाली हरु पागल छन् तेस्तै सिस्टम् छ केही काम गरदैन भने अनुसार गर्दा नी स्वीकार गरदैन पासबरड लोगिन नै हुंदैन मीटर रिडीगं गराउन थियो पुरा दिन ख़राब भयो

  •  0 Reply

  • Mukunda dhakal

    June 21, 2020, 11:06 p.m.

    Reading showing less but esewa showing more how is it happen?

  •  0 Reply

  • Anil jha

    June 3, 2020, noon

    Good

  •  0 Reply

  • Ram singh

    June 2, 2020, 4:52 p.m.

    I need how much amount

  •  0 Reply

  • Salim Alam

    June 1, 2020, 4:37 p.m.

    goods ! system pay bill online thanx Nepal electricity

  •  0 Reply

  • Shushila sitoula

    June 1, 2020, 7:44 a.m.

    Pay bil

  •  0 Reply

  • Akash

    June 1, 2020, 2:50 a.m.

    Good

  •  0 Reply

  • Shiva shrestha

    May 31, 2020, 2:05 p.m.

    To pay

  •  0 Reply

  • ललित कुमार रिमाल

    May 31, 2020, 1:34 p.m.

    नम्बर register भयो । login गरेको invalid login भनेर देखाउछ । pass word कसरी reset गर्ने हो कृपया जानकारी दिनु हुन्छ कि ?

  •  0 Reply

तपाईको प्रतिक्रिया

समाचार

लोकप्रिय

१

नेपालको विकासमा यूएसएआईडीको साथ : सहयोग रोकिँदाको असर र अवसर

२

आज र भोलि देशका धेरै ठाउँमा वर्षा र हिमपातको सम्भावना

३

लेबनानलाई हराउँदै नेपाल एक खेलअघि नै फाइनलमा, उपाधिका लागि म्यानमारसँग खेल्ने

४

हमासले इजरायललाई ४ जना बन्धकको शव हस्तान्तरण गर्‍याे

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई