जिल्ला समन्वय समितिलाई पालिकाको परिभाषाभित्र समेट्न सांसदकाे माग

जेठ २१, २०७७ बुधबार १८:४६:४२ | उज्यालो सहकर्मी

काठमाण्डौ - सांसदहरुले सङ्घ, प्रदेश र पालिकाबीचको अन्तरसम्बन्धसम्बन्धी विधेयकमा पालिकाको परिभाषाभित्र जिल्ला समन्वय समितिलाई छुटाइएको भन्दै सच्याउन माग गरेका छन् । संविधानमा जिल्ला समन्वय समितिलाई पालिकाभित्र राखिएकाेले विधेयकमा छुटाउन नहुने सांसदहरुले बताएका छन् ।

सङ्घीय संसद्को प्रतिनिधि सभाअन्तर्गतको राज्य व्यवस्था तथा सुशासन समितिमा सङ्घ, प्रदेश र पालिकाबीचको अन्तरसम्बन्ध व्यवस्थित गर्ने सम्बन्धमा व्यवस्था गर्न बनेको विधेयकमाथिको छलफलका क्रममा सांसदहरुले पालिकाको परिभाषाभित्र जिल्ला समन्वय समितिलाई राख्नुपर्ने मत राखेका हुन् ।

सांसद जनार्दन शर्माले पालिकाको सम्बन्धमा पालिका र जिल्ला समन्वय समितिको भूमिकासहित संविधानमै प्रष्ट पारिएकोले पालिकाको परिभाषाभित्र समन्वय समितिलाई छुटाउन नहुने बताउनुभयो ।

सांसद लालबाबु पण्डितले समन्वय समितिलाई पालिकाहरुको समन्वय गर्ने निकायको रुपमामात्रै सीमित गर्नुपर्ने बताउनुभयो । उहाँले अहिले सरकारले समन्वयका कामबाहेकका कामकाे पनि जिम्मेवारी दिएको र भविष्यमा यसले समस्या ल्याउने बताउनुभयो ।

सांसद दिलेन्द्रप्रसाद बडुले पालिकामा हुने समन्वय र अन्तरसम्बन्धको व्याख्या गर्दा समन्वय समितिलाई छुटाउन नहुने बताउनुभयो । उहाँले समन्वय समितिलाई पालिकाहरुलाई समन्वय गर्ने भूमिका दिइएकोले पालिकाको परिभाषाभित्र जिल्ला राख्नुपर्ने बताउनुभयो ।

प्रधानमन्त्री कार्यालय, कानुन तथा फैसला कार्यान्वयन महाशाखाका सहसचिव पाराश्वर ढुङ्गानाले पालिकाको परिभाषाभित्र समन्वय समितिलाई समावेश गर्ने कुरा प्राविधिक भएको बताउनुभयो ।

उहाँले विधेयकमा पालिकाको प्रयोग धेरै ठाउँमा भएकोले समन्वय समितिलाई परिभाषाभित्र नपारिएको बताउनुभयो ।

अन्तिम अपडेट: माघ २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्