सुदूरपश्चिमका तीन जिल्लामा फौजी किराको प्रकोप

जेठ ३०, २०७७ शुक्रबार ८:५४:४२ | विमल बिष्ट

डोटी - पछिल्लो केही हप्ता यतादेखि सुदूरपश्चिमका बैतडी, दार्चुला र डोटीमा फौजी किराको प्रकोप देखिएको छ ।

सुदूरपश्चिम क्षेत्रीय कृषि निर्देशनालय दिपायल राजपुरका अनुसार एका एक देखिएको फौजी किराले यहाँका तीन जिल्लामा सयौँ रोपनीमा लगाइएकाे मकैबाली नोक्सान गरेको गुनासो आउने गरेको जनाएको छ ।

निर्देशनालयका अनुसार फौजी किराले बैतडीको पुरचौँडी, गोकुलेश्वर तथा दार्चुलाको शैल्यसिखर क्षेत्र, डोटीको केआईसिंह, बोगटान फुड्सिल, जोरायल, बडिकेदार, सायल, आदर्श तथा पूर्वीचौकी गाउँपालिकाका लेकाली क्षेत्रमा लगाएको मकैबालीमा नोक्सान गर्न थालेको छ ।

फौजी किराले मकैबाली नोक्सान गर्न थालेपछि किसानलाई निकै समस्या हुँदै आएको जोरायल गाउँपालिका–५ का स्थानीयबासी लालबहादुर सार्कीले बताउनुभयो । उहाँले भन्नुभयो, “मकैबाली फौजी किराले खाएर सखाप गर्दै आएको छ, किरा मार्ने औषधी केही पाइँदैन, यो वर्ष मकै उत्पादन नहुने भयो।”

फौजी किराले मकैका बोटको पात र गुबो खाएर पुरै बोट नै नष्ट गर्ने गरेको बडिकेदार गाउँपालिका–४ का दीर्घबहादुर बडैलाले बताउनुभयो ।

किसानहरुका अनुसार फौजी किराले एक रातमा एक रोपनीभन्दा बढी मकैबाली सखाप गर्ने गरेका छन् ।
जिल्लामा एकाएक फौजी किराको प्रकोप आएपछि किसानलाई मकैबाली जोगाउन हम्मे हम्मे हुन थालेको केआईसिंह गाउँपालिका–३ का रामबहादुर ऐरले बताउनुभयो ।

यो वर्ष जिल्लामा समयमै पानी पर्न थालेकाले किसानले वैशाखमै मकै छरेका थिए । गोडमेल गर्ने समयमा मकैबालीमा फौजी किराको प्रकोप देखिएपछि किसानलाई समस्या उत्पन्न भएको हो ।

जिल्लाका सातवटा गाउँपालिकाका लेकाली क्षेत्रमा देखा परेको फौजी किराको प्रकोपले कम्तीमा पनि दजर्नौ रोपनीमा लगाइएको मकैबाली नोक्सान गरीसकेको स्थानीय खेम विष्टले जानकारी दिनुभयो ।

फौजी किराले दिनहुँ मकैबाली सखाप पार्न थालेपछि किसानले प्राविधिक सहयोगका लागि कृषि ज्ञानकेन्द्र सिलगढी डोटीमा अपिल गरेका छन् ।

मकै गोड्ने समयमा फौजी किराले मकैको गुबोभित्र पसेर गुबो, पात खानाले सुक्ने, पहेँलो भएर नष्ट हुन थालेपछि किरा नियन्त्रण गर्न किसानलाई निकै समस्या भएको जोरायल गाउँपालिका–५ का वडाअध्यक्ष ध्वजबहादुर देउवाले बताउनुभयो ।

डोटी जिल्लासहित समग्र सुदूरपश्चिम प्रदेशका पहाडी जिल्लाको मुख्य खाद्यान्नका रूपमा रहेको मकैबालीमा रातारात फौजी किराको प्रकोप बढेपछि किसान निराश भएका छन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्