डोटीमा मिनिट्रक दुर्घटना, दुई जनाको ज्यान गयो

असार १, २०७७ सोमबार २१:३३:१३ | विमल बिष्ट

डोटी – डोटीको बडीकेदार गाउँपालिकामा मिनिट्रक दुर्घटना हुँदा दुई जनाको ज्यान गएको छ । दुर्घटनामा ४० वर्षीय डबल पुन मगर र उहाँका १३ वर्षीय छोरा धिरज पुन मगरको ज्यान गएको प्रहरीले जनाएको छ ।

जिल्ला प्रहरी कार्यालय डोटीका प्रहरी नायब उपरीक्षक तथा सूचना अधिकारी ईन्द्रबहादुर मल्लले बडीकेदार गाउँपालिकाका ३ सुनालेकमा से १ ख १२६२ नम्बरको मिनिट्रक दुर्घटना भएको जानकारी दिनुभएकाे हाे ।

मिनिट्रकका चालक श्यामलाल चौधरी भने फरार रहेको र उनको खोजी भइरहेको इलाका प्रहरी कार्यालय वीपी नगरले जनाएको छ । डोटीकै घागलबाट धनगढी जाँदै गरेको मिनिट्रक सोमबार साँझ सुनालेक नजिक दुर्घटना भएको हो । पानी परेर बाटो चिप्लो भएका कारण गाडी दुर्घटना भएको हुनसक्ने प्रहरीको अनुमान रहेको छ ।

दुर्घटना भएको ट्रक सडकबाट एक सय मिटर तल खाेलामा खसेको इलाका प्रहरी कार्यालय वीपी नगरका प्रमुख लालबहादुर ऐरले जानकारी दिनुभयो ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्