कोरोना सङक्रमितलाई राहत रकम दिने बडीकेदार गाउँपालिकाको निर्णय

असार ९, २०७७ मंगलबार ९:५३:१२ | विमल बिष्ट

डोटी - डोटीमा कोरोना सङ्क्रमित बढ्न थालेपछि बडीकेदार गाउँपालिकाले आफ्नो ठाउँका सङ्क्रमितलाई आर्थिक सहयोग गर्ने भएको छ । गाउँपालिकाले कोरोना सङ्क्रमितलाई जनही एक हजार पाँचसय र कोरोनाकै कारण मृत्यु भएमा मृतकका परिवारलाई ५० हजार रुपैयाँ दिने निर्णय गरेका हो । जिल्लामा कोरोना सङ्क्रमितहरुलाई राहत रकम दिने निर्णय गर्ने बडीकेदार पहिलो गाउँपालिका भएको गाउँपालिकाका निमित्त प्रमुख प्रशासकीय अधिकृत दीपकराज जैशीले बताउनुभयो ।
उहाँले भन्नुभयो, “भारतबाट रोजगारी गुमाएर घर फर्किएका नागरिकमा कोरोना सङ्क्रमण भए समस्या हुने देखिएकाले हामीले पहिलो पटक उनीहरुलाई राहत स्वरुप रकम दिने निर्णय गरेका छौँ, जसले गर्दा सङ्क्रमितलाई केही सहयोग पुग्नेछ ।”
बडीकेदार गाउँपालिकामा मात्रै हाल सम्म ७६१ जना नागरिक भारत लगायत देशका अन्य क्षेत्रबाट रोजगारी गरी घर आएका छन् । जसमध्ये अहिलेसम्म ४ जनामा कोरोना सङ्क्रमणको पुष्टि भएको छ । सङ्क्रमितको अवस्था सामान्य रहेको गाउँपालिका स्वास्थ्य शाखा प्रमुख योगेन्द्र शाहीले जानकारी दिनुभयो ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्