बझाङ पहिराे अपडेट : ६ जनाकाे शव भेटियाे, एक जना अझै बेपत्ता

असार २०, २०७७ शनिबार १८:८:२५ | डीबी बिष्ट

बझाङ – केदारस्युँ गाउँपालिका ८ को मल्लेसीमा गएको पहिरोमा पुरिएकामध्ये ६ जनाको शव भेटिएको छ । पहिरोमा पुरिएका एक जना अझै हराइरहेका छन् ।

शुक्रबार राति पहिरोमा पुरिएकामध्ये ४१ वर्षीया राममति देवी जेठारा, छोरी शान्ती जेठारा, छोरा प्रयास जेठारा र सात वर्षीया छोरी अस्मिता जेठाराको शव भेटिएको प्रहरी नायब उपरीक्षक (डीएसपी) गणेश बमले जानकारी दिनुभयो । राममतिका श्रीमान् कटे जेठारा रोजगारको सिलसिलामा भारतमा रहेका र यहाँ घरमा भएका सबैको ज्यान गएको हो । ८१ वर्षीय दले जेठारा र सन्तु जेठाराको पनि शव भेटिएको छ । २० वर्षीय गिरिजा जेठारा हराइरहेका छन् । शुक्रबार राति १ बजेको समयमा पहिरो गएको थियो ।

पहिरोबाट २० घर पुरिएको र ती घरका बासिन्दा राति नै भागेर ज्यान जोगाएका प्रहरीले जनाएको छ । ६५ घर परिवार बस्दै आएको बस्तीको बीच भागबाट पहिरो गएपछि गाउँ नै जोखिममा परेको छ । आफुहरुको झण्डै आधा जमिन पहिरोले बगाएको स्थानीयले बताएका छन् । पहिरोले घरबारविहीन भएकाहरु स्थानीय विद्यालयमा ओत लागे पनि अब कहाँ बस्ने भन्ने चिन्ता भएको बताएका छन् ।

यसैबीच पहिरो प्रभावित क्षेत्रमा हेलिकप्टरमार्फत खाद्यान्न तथा लत्ताकपडा पठाउन लागिएको प्रमुख जिल्ला अधिकारी कमलराज भण्डारीले जानकारी दिनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्