दातृ निकायबाट ७८ अर्ब रुपैयाँ ऋण र अनुदान लिने सरकारको निर्णय

 असार २५, २०७७ बिहिबार १८:२९:० | उज्यालो सहकर्मी
unn.prixa.net

काठमाण्डाै – सरकारले विभिन्न दातृ निकायबाट झण्डै ७८ अर्ब रुपैयाँ बराबरको ऋण र अनुदान लिने भएको छ ।

अर्थ मन्त्रालयको प्रस्तावमा विश्व बैंकको सहयोगमा रणनीतिक सडक र व्यापारिक मार्ग विस्तारको लागि ५४ अर्ब रुपैयाँ ऋण सहायता रकम स्वीकार गर्ने निर्णय भएको छ ।

यस्तै ३० वटा नगरपालिकाको पूर्वाधार र शासकीय क्षमता सुधारको लागि विश्व बैंकबाटै १८ अर्ब रुपैयाँ सहुलियता ऋण स्वीकार गर्ने पनि निर्णय सरकारले गरेको छ ।

यस्तै एसियाली विकास बैंकबाट नागरिक उड्डयन क्षेत्र सुधारको लागि पाँच अर्ब ९८ करोड रुपैयाँ सहायता स्वीकार गर्ने पनि निर्णय भएको छ । 

अन्तिम अपडेट: फागुन ३०, २०८०

तपाईको प्रतिक्रिया