मनसुन थप सक्रिय भएसँगै सरकार ‘हाई अलर्ट’मा

असार २६, २०७७ शुक्रबार ७:१६:५४ | उज्यालो सहकर्मी

काठमाण्डाै – मनसुन थप सक्रिय भएसँगै सरकारले उच्च सावधानी (हाई अलर्ट) मा रहेको जनाएको छ ।

मनसुनजन्य विपद्का घटना हुनासाथ तत्काल परिचालन हुनेगरी तयारीमा रहन समेत गृह मन्त्रालयले मातहतका निकायलाई निर्देशन दिएको छ । लगातारको वर्षाले देशका विभिन्न ठाउँमा बाढी, पहिरो र डुबान हुने पुर्वानुमानसँगै विपद् जोखिम न्यूनीकरण तथा व्यवस्थापन कार्यमा खटिने मातहतका निकायलाई तत्कालै परिचालन गर्नसक्ने गरी सरकारले उच्च तयारी गरेको हो ।

उद्धारका कुन कुन सामग्री कहाँ कहाँ छन् भनेर यकिन गरिएको र तत्कालै परिचालन हुने गरी संयन्त्र तयारी अवस्थामा राखिएको गृह मन्त्रालयले जनाएको छ । आवश्यक राहत तथा खाद्य सामग्रीको मौज्दातको अध्यावधिक समेत गरिएको छ ।

गृहमन्त्री रामबहादुर थापाले ७७ वटै जिल्लाका प्रमुख जिल्ला अधिकारी सहित जिम्मेवार निकायलाई आवश्यक तयारीमा रहन र विपद् जोखिम न्यूनीकरणको काममा खटिन आवश्यक निर्देशन दिनुभएको छ । कोरोनाको संक्रमणसँगै विपद्जन्य घटनाको पनि सामना गर्नुपर्ने भन्दै उहाँले सबै निकायलाई हाई अलर्टमा रहन समेत निर्देशन दिनुभएको छ ।

गृहसचिव महेश्वर न्यौपानेले विपद्बाट जोखिम कम गर्न उद्धार र राहत व्यवस्थापनमा आवश्यक तयारी गरिएको र मातहतका निकायलाई तयारीमा रहन भनिसकेको जानकारी दिनुभयो ।

अन्तिम अपडेट: माघ २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मनसुन थप सक्रिय भएसँगै सरकार ‘हाई अलर्ट’मा

प्रतिकात्मक तस्बिर

तपाईको प्रतिक्रिया