वर्षाले ठाउँठाउँमा सडक अवरुद्ध

असार २७, २०७७ शनिबार ७:५१:१७ | उज्यालो सहकर्मी

काठमाण्डाै – लगातारको वर्षाले ठाउँठाउँमा सडक अवरुद्ध भएको छ ।

पहिरोका कारण बिपी राजमार्ग अवरुद्ध भएको छ । सिन्धुलीको सुनकोशी गाउँपालिका २ कमेरेफाँटमा आज बिहान ५ बजे पहिरो जाँदा यो सडकखण्डमा गाडी चल्न सकेका छैनन् ।

यस्तै कर्णाली राजमार्ग पनि अवरुद्ध भएको छ । गुराँस गाउँपालिका वडा नम्बर १ मा पनि आज बिहान पहिरो खस्दा सडक अवरुद्ध भएको हो । यस्तै ठाउँठाउँमा पहिरो खस्दा म्याग्दिको बेनी जोमसोम सडकखण्ड पनि अवरुद्ध छ ।

यस्तै पहिरोका कारण अवरुद्ध काठमाण्डौ सिस्नेरी हुँदै मकवानपुर जाने सडकखण्ड अझै सञ्चालमा आएको छैन । ३ दिनअघि इन्द्रसरोवर गाउँपालिका ३ र ज्यामिरेमा ठूलो पहिरो खस्दा अवरुद्ध भएको सडक अझै सञ्चालनमा आउन नसकेको हो । अस्तिदेखि यो सडकखण्ड अवरुद्ध भएको हो । खुलाउने प्रयास भइरहे पनि कति समय लाग्छ भन्न सकिने अवस्था नभएको प्रहरीले जनाएको छ ।

यस्तै काठमाण्डौ फाखेल हुँदै हेटौँडा जाने बाटो पनि अवरुद्ध नै छ । यहाँ पनि विभिन्न ठाउँमा पहिरो गएकाले अस्ति बिहीबारदेखि गाडी चल्न सकेका छैनन् ।

अन्तिम अपडेट: माघ २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

वर्षाले ठाउँठाउँमा सडक अवरुद्ध

फाइल फाेटाे

तपाईको प्रतिक्रिया