बाढी पहिराे पीडितलाई सार्वजनिक भवन र विद्यालयमा राख्न सकिने विषयमा छलफल

 असार २७, २०७७ शनिबार १५:२५:७ | उज्यालो सहकर्मी
unn.prixa.net

काठमाण्डौ – बाढी पहिरोका पीडितहरुलाई तत्काल उद्धार गरी सार्वजनिक भवन र विद्यालयमा राख्न सकिने विषयमा छलफल भएको छ । राष्ट्रिय विपद् जोखिम न्यूनीकरण तथा व्यवस्थापन प्राधिकरणले सरोकारवालासँग गरेको छलफलमा तत्काल उद्धार गरी सामुदायिक विद्यालयमा राख्न सकिने विषयमा छलफल गरेको छ । 

कोरोना सङ्क्रमणको जोखिमसँगै मनसुन सुरु भएपछि देशका विभिन्न ठाउँमा बाढी पहिरोले क्षति पुर्‍याएपछि उद्धार र राहतका विषयमा सरोकारवालाहरुसँग गरेको छलफलमा प्राधिकरणले यस्तो बताएको हो । 

प्रधानमन्त्री निवास बालुवाटारमा भएको छलफलमा बाढी पहिरोका घटना बढिरहेको अवस्थामा तत्काल उद्धार, राहत र पुनर्स्थापनाका विषयमा प्राधिकरणले सरोकारवालहरुसँग छलफल भएको प्राधिकरणका कार्यकारी प्रमुख अनिल पोखरेलले बताउनुभयो । प्राकृतिक विपद्बाट पीडितलाई तत्काल उद्धार गरी विद्यालय भवन वा सार्वजनिक भवनमा पुनर्स्थापना गर्ने विषयमा छलफल भएको उहाँले बताउनुभयो ।

छलफलमा प्रधानमन्त्री केपी शर्मा ओली, विपक्षी दलका नेता शेरबहादुर देउवालगायत विभिन्न मन्त्रालयका मन्त्री र सुरक्षा निकायका प्रमुखको सहभागिता रहेको थियो । गृह मन्त्रालय अन्तर्गतको राष्ट्रिय आपत्कालीन कार्य सञ्चालन केन्द्रको तथ्याङ्कअनुसार शुक्रबार बाढी र पहिरोबाट आठ जिल्ला प्रभावित भएका छन् ।  

अन्तिम अपडेट: चैत ३, २०८०

तपाईको प्रतिक्रिया