काठमाण्डौ – महानगरीय ट्राफिक प्रहरी महाशाखा काठमाण्डौले तीनकुनेमा वृक्षरोपण गरेको छ ।

महानगरीय प्रहरी कार्यालयका प्रमुख तथा प्रहरी नायब महानिरीक्षक विश्वराज पोखरेलको उपस्थितिमा महाशाखाले तीनकुनेको चउरमा विभिन्न बिरुवा र फूल रोपेको हो ।

कार्यक्रममा प्रहरी नायब महानिरीक्षक पोखरेलले बढ्दो शहरीकरणकाे कारण दिन प्रतिदिन बढिरहेको वातावरणीय असरप्रति सबै गम्भीर हुनुपर्ने र खाली ठाउँमा वृक्षरोपण गर्नुपर्नेमा जोड दिनुभयो । महाशाखाका प्रमुख प्रहरी वरिष्ठ उपरीक्षक भीम ढकालले महाशाखालगायत मातहतका ४४ वटै ट्राफिक कार्यालयहरूले तीन सय ५० भन्दा धेरै फूलका बिरुवा रोपेको जानकारी दिनुभयो ।

नेपालको एकमात्र अन्तर्राष्ट्रिय विमानस्थल नजिकै रहेको तीनकुने पर्यटकहरू आवात जावत गर्ने मुल ढोकासमेत रहेकोले खाली जग्गामा फूल रोपेर सडकलाई मनमोहक बनाइएको महाशाखाले जनाएको छ ।