श्रीमतीको हत्या कसुरमा जेल परेका सशस्त्रका पूर्वडीआईजी कोइराला रिहा

साउन ८, २०७७ बिहीबार १२:३६:२८ | उज्यालो सहकर्मी

काठमाण्डौ - श्रीमतीको हत्या आरोपमा जेल परेका सशस्त्र प्रहरीका पूर्वप्रहरी नायब महानिरीक्षक डीआईजी रञ्जन कोइराला रिहा भएका छन् ।

सर्वोच्च अदालतको आदेशपछि साढे ८ वर्ष कैद सजाय भुक्तान गरी कोइराला बिहीबार रिहा भएका हुन् । बिहीबार बिहान डिल्लीबजार कारागार प्रशासनले कोइरालालाई जेलमुक्त गरेको हो ।

सर्वोच्च अदालतले असार १५ गते कोइरालाको सजाय घटाउँदै ८ वर्ष ६ महिना कायम गरेको थियो । श्रीमती गीता ढकालको हत्या गरेपछि पूर्व डीआईजी कोइराला जेल परेका थिए ।

श्रीमती गीताको हत्या मुद्दामा जिल्ला र पुनरावेदन अदालतले सर्वश्व सहित जन्मकैदको फैसला सुनाएको थियो । तर सर्वोच्चका प्रधानन्यायाधीश चोलेन्द्रशमशेर जबरा र तेजबहादुर केसीको इजलासले कोइरालाको सजाय घटाउने फैसला गरेको थियो ।

जिल्ला र पुनरावेदन अदालतले कोइरालालाई दोषी ठहर गरेको फैसला मिले पनि सर्वस्वसहित जन्मकैदको सजाय नमिलेको सर्वोच्चको तर्क छ ।

कोइरालाले २०६८ माघमा श्रीमती गीताको हत्या गरेका थिए । उनी २०६८ माघ २८ गते पक्राउ परेका थिए ।

अन्तिम अपडेट: माघ २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्